Lontal Alii ngal ka nder fillayeeji Ahlul-Bayti (a.s.m) :

  Eggugol ngol ko lollu ɗun immorde e makko wonnde Nelaaɗo Alla on (s.a.w) toɗɗike mo , lontinii'mo e maɓɓe tuma kanko Nulaaɗo on (s.a.w) o'feƴƴi , o'waɗimo Almaamiijo e hoore julɓe ɓen fow , e hino ɗoo yoga e fillayeeji jantaaɗi fii mu'un :

  1-Fillaama e nder Deftere ikmaalu-Diin e soɓɓindande Asbagh bun Nabaata o'wi'i: Ñannde go'o Sayyidinaa Alii (a.s.m) yaltituno e amen tawi junngo makko ngon hino jogitii junngo geɗal makko on Al-Hasan himo wi'a Nelaaɗo Allaahu on (s.a.w) yaltitiino e men tawi sookeewo maɓɓe ngon hino woniri nii ka nder jungo an , hiɓe maaka ko ɓuri moƴƴude  e tagu ngun ɓaawo an ko koohoojo maɓɓe on miñan an o'o ko'o imaamuujo kala julɗo hooreejo kala gomɗinɗo ɓaawo an .

  2-saduughu hino yaltini ka ikmaali Diini kadi ko'o tuuguɗo hadiise on e imaamu Ridaa (a.s.m) eggude e Baabiraaɓe makko ɓen haa yottoyii e Nelaaɗo Alla on (s.a.w) ɓe makki : kala yiɗuɗo jogitaade Diina an kan o'ƴawa (bakoo) e Laana daɗirka kan ɓaawo an haray yo'o ñentin (o'jokka) Alii ibnu Abii-Taalibi (a.s.m) ko kanko woni mo'mi wasiyii on , ko kanko woni lontiiɗo lan on e nder mofte ɗen fow .

  3-Saduughu yaltinii kadi ka ikmaalu Diin e nder Hadiise juutuɗo hino jantaa e makko mooɓondirgol ko ɓuri yimɓe teemeɗɗe ɗiɗo immorde e Sahaabaaɓe feruɓe (i'wi Makka seenii Madiina ɓen) e ɓen Ansaari yankooɓe en ka nder juulirde E fewdo jamaanu Usmaana hiɓe rewtondirana ganndal e fighihaaji ɓe woni hiɓe haawundira  tawi kanko Alii (a.s.m) hino fanki , onyima ɓe wi'imo ko an yo Abal-Hasan ko honɗun haɗumaa yewtude ? ontuma o'andintini'ɓe maako Nelaaɗo Alla on (s.a.w):( Alii ko siɗɗo an ko'o walloowo lan , ko'o ronoowo lan ko'o lontotooɗo lan ka nder Mofte an , ko'o heftuɗo (fewjoowo) kala gomɗinɗo ɓaawo an , ghirritanee'mo ( jaɓom ) ɗun .

  4-Saduughu yaltinii kadi hadiise himo tuugimo e moorde e Alii(a.s.m) e nder Hadiise juutuɗo Nelaaɗo Alla on (s.a.w) hino maaki e nder on Hadiise: ( Alii ko yeesoojojulɓe ɓen immorde e yamiroore Allaahu on nde o'fiɓi ɗun ka hoore Arsi , Malaa'ikaaɓe makko ɓen seedike ɗun ko'o imaamuujo julɓe ɓen fow .

  5-  Saduughu yaltinii kadi ka Amaaliih ko'o tuuguɗo hadiise on e Alii (a.s.m) o'wi'i: ( Nelaaɗo Alla on –s.a.w-khutbuno ɓe maakani'men : ñande go'o ko o'non yomɓe , Lewru suumayee ndun  arii on tuma ɓe (yewtunoo) ɓe ɗuɗɗini ɓure suumayee on ɗen  e nder yewtere nden Alii (a.s.m) wi'i: ko an yo Nelaaɗo Alla ko honɗun e golle ɓuri moƴƴude e ndu'u Lewru ? Nulaaɗo Alla on (s.a.w) maaki : ko rentagol e ko Allaahu on harmini kon, on tuma ɓe mbojji , wi'umi ko honɗun mbojjinmmaa yo Nulaaɗo ? ɓe maaki : ko fiimaaɗa yo Alii , ko wullinimmi ko ko heɓoytamaa e nder ndu'u Lewru , haa'ɓe maaki ko an yo Alii ko'a wasiyaaɗo an ko'a Baaba geyngol anngol , e lontotooɗo lan e Mofte an ɗen ka nder ngurndan an e si'mi maayii yamiroore maaɗa nden ko yamiroore an , haɗungol maaɗa ko haɗugol an .

  6-Saykuujo on yaltinii ka nder Aamaalih kadi ko'o tuuguɗo yewtere nden e imaamu Alii (a.s.m) o'wi'i ka hoore ngan'ngunal kuufa : (ko o'non yo yimɓe hari miɗo mari geɓe sappo immorde e Nelaaɗo Alla on (s.a.w) ɗen hino ɓuranimmi ko woni ka Aduna kon fow . ɓe (Nulaaɗo Alla on) maakanii lan : ko an yo Alii ko'a siɗɗo an Aduna e Laakara , ko an ɓuri tagu ngun fow ɓattaade lan , galle  maaɗa ɗen ka Al-janna hino fewtondiri e galle an ɗen , ko an woni ronoowo lan on, ko an woni wasiyaaɗo an on ɓaawo an e kala ɓeynguure an , ko an reenanta lan (ayna) ɓeynguure an nden ɓaawo an , ko an woni imaamu Mofte an ɗen , ko an woni ñimnoowo (ñiiɓinoowo) nunɗal ka nder ngaynateeri an , ko an woni weldiɗɗo an on e weldiɗɗo Allaahu on , gaño maaɗa ko gaño an ko'o gaño Allaahu on ).

   7-Saduughu yaltinii kadi ka Deftere Nusuus Alal A'imma ko'o tuuguɗo Hadiise on e Al-Hasana bun Alii (a.s.m) o'wi'i: (mi nanii Nelaaɗo Alla on (s.a.w) hino maakana (wi'a) Alii: ko an woni ronuɗo ganndal an ngal e oogirɗe ñeeñal an ngal (faamu an ngun) e imaamu on ɓaawo an).

   8-  Saduughu yaltinii kadi e nde'e Deftere jantaande ɗoo ko'o tuuguɗo Hadiise on e Alii (a.s.m) o'wi'i: Nelaaɗo Alla on (s.a.w) maakii: (ko an woni wasiyaaɗo e maayuɓe ɓen immorde e Ahlul-Bayti e lontiiɗo wuuruɓe ɓen ka mofte an .

  9-Sayku   Saduughu yaltinii kadi e nder nden Deftere tigi ko'o tuuguɗo Hadiise on e imaamu Ridaa immorde e Baabiraaɓe makko ɓen haa yottii e Nelaaɗo Alla on (s,a,w) wonnde ɓe maakii: ( Alii ko'e an o'jeyaa ko'e Alii minkadi mi'jeyaa,Allaahu on haɓii kala haɓuɗo Alii , ko'o imaamu njikkuuji -moƴƴi fow- ɓaawo an).