Imaamu Jaafaru geɗal Muhammadu Saadigh (a s)



Yewtereeji suutaaɗi fii imaamu Jaafaru Saadigh (a s).

REWRO NGON:

Innde makko nden e dañeede makko nden (a s)

Ko: Jaafar bun Muhammadul Baahgir Bun Alii Sajjaad ko kanko woni jeegaɓo e imaamuuɓe ɓen ka ɓeynguure suudu (as) ko Abuu Abdullaahi woni jammoore makko ko nden ɗon woni jammoore anndaande nden, hiɓe wi’aynoo mo kadi Abuu Ismaa’iila.

Si tawii non ko yettooje makko ɗen ko ɓuri lollude e majje ko : Al Saabir (Munñiiɗo) e Faadil , e Taahir, wiɓe wi’aynoo mo kadi Asaadigh sabu tawde ko’o goongoowo e yewtere.

Imaamu Jaafaru Saadigh (a s) ko ka Madiina dañaa ñannde sappo e jeeɗiɗi paran hitaande 83 Fergu dañeede makko on hari ko e nder jamaanu lontinooɗo umawi yankeeɓe ɓen wi’eteeɗo Abdul Malik bun Marwaan, ko’e ley tunndaaje baaba en makko e soro makko imaamu Sajjaad o ne’ii, ko’e juuɗe maɓɓe kamɓe ɗiɗo o janngi gannde sari’a on e faamuuji lislaamu ɗin.

Dartagol mo miijooji ɓoyliiɗi ɗin:

Hari immagol miijooji ɗin hino huuɓiti jamaanu ngu o dañanoo fewndo mu’un ngun, e heewugol miijooji finnde yankooji hirnaangeeji ɗin hakkunde jamaa julɓe ɓen, ko ɓurunoo himmude mo ko immagol miijooji ɓee yimɓe wi’eteeɓe khulaat bonnayɓe ɓen, ɓen waawunooɓe ɓantude hoore e nder ngun jamaanu saakita lancugol hakkunde julɓe ɓen, miijooji maɓɓe ɗin immii e nder ngun jamaanu saakitugol fonndooji maɓɓe ɗi lislaamu on haɗi ɗin, ɓe heɓuno feere saakitugol ɗin finndeeji maɓɓe bonɗi hakkunde jamaa julɓe ɓen, hari hiɓe saakitaynoo hadiiseeji fenaandeeji ɓe soɓɓindaɗi e joomiraaɓe gannde ɓen ka ɓeynguure Nelaaɗo Allaahu on (s a w) fii yo ɓe janfor ɗun yimɓe ɓen, hari oo gorko wi’eteeɗo Mukhiira Bun Sa’iid hari himo faamini wonnde himo humpondiri Abii Jaafar Albaaghir, hari himo fillotonoo e makko hadiise hadiiseeji fenaaɗi, imaamu Saadigh (a s) ɓanngini fenaande makko nden e danndagol mo e makko, o jonni wonndiɓɓe makko ɓen ƴi’al fii hadiiseeji fillaaɗi e makko ɗin o wi’i: (Wata on jaɓu hadiise e hoore amen si wonaa ko nanondiri e Alghur’aana on e sunna on, maa heɓanon mo seedee e nder hadiiseeji amen feƴƴuɗi ɗin).

Ɓaawo ɗun imaamu on immii fewni yimɓe ɓen e laawol wonndugol e sawaaba ngol e nder ngun jamaanu ngu miijooji ɗin wonunoo e piirude yiite ngen huɓɓe hakkunde umawi yankeeɓe ɓen e wonunooɓe dartaade ɓen Abbaasi yankooɓe ɓen, ko’e nder ɗin jamaanuuji sattuɗi yoori imaamu on waawunoo saakitude hadiiseeji soro makko ɗin e gannde baabiraaɓe makko ɓen ko tawata yimɓe ɓen ƴettii e maɓɓe, guluuji yimɓe ne’ii e juuɗe makko immorde e hadiise yankooɓe e fighihi yankooɓe, hadiisi yankooɓe ɓen mooɓii inɗe  fillotonooɓe hadiise ɓen e makko hara ko hoolaaɓe ɓen- e nder laawi ɗin fow- tawi hiɓe hewti guluuji nayo worɓe ɗun ɗoo ko maande nde imaamu Saadigh (a s) anndiranoo hakkunde imaamuuɓe ɓen (as).

Imaamu on fuɗdino fillagol e soro makko e baabiraaɓe makko ɓen ɓaawo julɓe ɓen naatii e winndugol hadiiseeji nelaaɗo Allaahu on (s a w) ɓaawo welsindaare heɓunoonde ɓe nden haa hitaande 143 fergu ɓaawo hari fewndo on tuma hadiiseeji selluɗi ɗin jillondirii e lo’uɗi ɗin ɗun okkondiri e sunna ko heewi e hadiiseeji israa’illiyaat waɗaaɗi e juuɗe ayɓe diina kan immorde e Salibbiya en e majuusi yankooɓe ɓen, wattude e ko laamu e wonunooɓe ɗaɓɓude nguuree e maggu wonunoo waɗude kon.



1 2 3 4 next