LONTAGOL IMAAMU ALII NGOL E ALMAGOL MO NGOL ƁAAWO NELAAƊO ON (S.A.W) .



Ɗun ko huunde nde tawata sikke alaa e muu'ɗun immorde e weeɓitugol seeɗa e ngurndan Abi-Hasana Alii ibnu Abii-Taalibi (A.S.M) o'laatinoke himo riiwi ko kanko woni jon hagghee on fii almagol Mofte ɗen e lontagol Nelaaɗo Allaahu on (S.A.W) Ɓaawo maɓɓe jamaa on fow adduno feere imaamu Alii nden e der hagghee makko on e fiyaake on juutinngol ɗun ko juutinngol ko feeñi .

   Kono kanko Alii o'jokkaali laawol lundiiɗo e nder ngurdan makko wonndude e ɓen lontiiɓe ɓaawo Nelaaɗo Allaahu on (s.a.w) gooto gooto o'dartanino ɓe o'laaɓani ɓe yeru ko gasata kon  e dartangol ɓe e reenugol fiyakuuji maɓɓe , ko gomɗinngol Makko wonnde nafa lislaamu on ko e pottal julɓe ɓen  e daragol maɓɓe darande wootere e wonungol maɓɓe e hoore konngol ngootol , hara julɗo fow  haanaa welsidaande fii ɗun . ko fii ɗun fow ɗenƴin'noo Abaa Sufyaana ɓaawo o'ɗaɓɓirii mo (kanko Alii) baayondirngol ñannde Saghiifa Banii sa'aadi on o'hebbini Suudu ndun pucci e woeɓe , Abbaasi Bappa Nelaaɗo Alla on (s.a.w) yilti'mo ɓaawo o'weeɓitanii'mo baayondirngol e makko , o'wi'immo : fontaa jungo maaɗa ngon mi baayondira e maaɗa yimɓe ɓen wi'i baayondir e geɗal bappa Nelaaɗo Alla on (s.a.w) , ɓen ɗon fow ruttii ruttii ka ɓurnungol ngooto saffewol julɓe ɓen e reenugol horma leydi lislaamu ndin .

  A'sikkay miɗo nana khutba saghsaghiyya makko on himo yewta on e ɗenngal suniiɗo : ( mi woondirii Allaahu on , o'ya o'ɓornike lontangal himo anndi nokku an on e maggal (lontan'ngal) hino wa'i wa hakkunde pembal, waame hino sellami sonndu hewtataa lan mi waɗii heedoode amen , mi welsindii ngal mi woni miɗo sikkitoo hakkunde ñosorngol junngo maa ɗuun munñagol e niwre wumiɗunde njano hino nawna e mayre , tosooko hino forɗa e nder mayre , gomɗinɗo hino karhee e  nder mayre haa o'hawra e jooma makko wooɗe , mi tawii muññagol e hoore ɗun'ɗoo ɓuri moƴƴude , munñiimi e hoore lojol wonungol ka yiitere an'nden , hino ka nder honondere ɗeɗɗere , miɗo reeni ndonni an ndin hino jattaa .