Ko wi'etee Sii'a ka haala Aarabu ?



 

Wano oo'witeeɗo ibnu manzuuri hino wi'i: ko wi'etee Sii'a :ko ɓin Yimɓe hawtutuɓe e huunde wootere , kala Yimɓe hawtutuɓe e huunde wootere ɓen hino wiee Sii'a , kala yimɓe tawuɓe koɓe jokki kon ko huunde wootere hara feere maɓe nden fow ko ngootun ɓen hino wiee Sii;a . oo Neɗɗo wieteeɗo Zajjaaji hino wi'i: ko wietee Sii'a , ko yimɓe njokkuɓe ngorko ngooto hara ko wallooɓemo .

    Oo;wieteeɗo Azharii wi'i: ko wietee Sii;s ko ɓen yimɓe wongooɓe njokka ɓeynguure Annabiijo on (S.A.W) ɓen yimɓe wonanɓeɓe , ko ɗun waɗi ɓen njokkiɓe wonani Sayyidinaa Alii (A.S.M) e Ɓeynguure makko nden lolliri (nantiri ɗun) inde , haa njooni non ɗunɗon wontii inde maɓe kamɓe tun , haysi koɗɗo wi'aama ko Sii'aajo haray andaama kisan onɗon ko'o wonanɗo Sayyidinaa Alli (A.S.M) e Ɓeynguure makko nden , kadi haray ko njokkuɗo laawol Sii'a ngol , lasili kon'ngon ngol ko njokkungol , e ɗoftangol .

   Wano Deftere wieteende Muujamul-wasiiti hino wi'i: ( Sii'a: ɗunko kala Jamaa e fedde ,e jokkuɓe e wallooɓe , haray ɓen hino wi'ee Sii'aaɓe kaari ɓen , e Siiaaɓe ɗunɗooɓen e wano non . Sii'aaɓe ɓen ko fedde mawnunde e julɓe Aduna on , hiɓe mooɓondiri e fii yiɗungol Sayyidinaa Alii (A.S.M) e Ɓeynguure makko nden , hiɓe yi'i wondema ko ɓen ɗon ɓuri haanunde almangol (ardoo) julɓe ɓen .

Si'en ndaarii Al-Quruaana on en taway himo ngollitiri kon'ngol wi'ungol Sii'a e maanaa jokkuɓe e wallooɓe , wanoka Allaahu on ndaali : {وإن من شيعته لإبراهيم}Suuratu-Assaafaati \ 83. wondema hino tawaa e jokkuɓe Annabi Nuuhu (A.S.M) kanko Annabi ibraahiima (A.S.m) .

  koniiɗe andirten hino tawaa e maanaaji Sii;a ka haala Aarabu ndariiɓe wondi njokki huunde wootere .