Sayyidinaa aliyya (A.S.M) :



   E hino ɗoo toɓɓere : ka'o wi'iɗon: (أبناءنا وأبناءکم) kanko Annabiijo on ko'o noddi ko Al-Hasan e Al-Husayni . ko'o wi'iɗon : (ونساءنا ونساءکم ) : kanko Annabiijo on o'noddi ngeɗal makko on Neene Faatima .ka'o wi'iɗon:(وأنفسنا وأنفسکم),ɗun'ko kanko Annabiijo on e Sayyidinaa Aliyya , woni (أنفسنا) on

   tirooɓe ɓen fow ka julɓe ɓen hino wi'i: wondema Aaya on jippike fewdo ko Nulaaɗo Alla on (صلی الله عليه وآله وسلم) yaltidi e Sayyidinaa Aliyya e Neene Faatima e Al-Hasan e Al-Husayni  (A.S.M) fii huɗondirngol e ɓen katolikiiɓe Najaraan , ɓayra ɓe yi'ii Nulaaɗo Alla on yaltidii e ngeyngol makko ngol tigi , ontuma ɓe huli battane on , ɓe toriimo yo'o yaafoɓe fii on huɗondirngol ɗon , ɓe yoɓi sagalle e hoore yankinaare e heƴangol ɗoftoo laamu Nulaaɗo nun (صلی الله عليه وآله وسلم) .

  3- Allaahu on hino daali : { ويطعمون الطعام علی حبه مسکينا ويتيما وأسيرا* إنما نطمعکم لوجه الله لانريد منکم جزاءا ولاشکورا* إنا نخاف من ربنا يوما عبوسا قمطريرا* فوقاهم الله شر ذالک اليوم ولقاهم نضرة وسورا  } . suuratul-insaani /8-11 

Oo'ɗoo kadi aaya firooɓe ɓen fow hino fotti wondema ko'o jippii ko fii Sayyidinaa Aliyya e Neene Faatima e fii Al-Hasan e fii Al-Husayni (A.S.M) . ɗun ko fewdo ko : Al-Hasan e Al-Husayni  (A.S.M) nawnidi , ontuma kamɓe Sayyidinaa Aliyya e Neene Faatima ɓe waɗi fodoore wondema (نذر) si'ɓee boobooɓe (fayɓe) maɓe ɗiɗo dikkii ɓe hooranay Allaahu on Balɗe tati timmuɗe , ɓayra Allaahu on dikkiniiɓe , kanko Sayyidinaa Aliyya e Neene Faatima en ɓe hoori kisan , ka hunnungol koɓe fodi Alla kon , ñande ngoo on hiɓe ɓan'ni fii hunta ngol , tun Miskiino naati hino ɗaɓɓa ko ñaama , ɓe ƴetti ɓe jonnimo koɓe huntoraynoo kon , o'ñaami fow o'yehi , ɓe jokki hiɓe hoori haa'hewti ka fewdo huntangol kadi , tun Al-yatiimaajo on naati tawiɓe , himo faalaa ko'o ñaama , ɓe ƴetti huntaari maɓe ndin fow ɓe jon'nimo o'ñaami o'yehi , woni ka tammun kadi hiɓe ɓanni fii huntangol tun ndahaaɗo konki (ko on woni julɗo mo heeferɓe ɓen nangunoo soki ) tawi ko faalaaɗo ko ñaama , himo weelaa moƴƴa , ɓe ƴetti huntaari ndin ɓe jonnimo o'ñaami fow o'gayni , ontuma ɓe maaki me'nen men ɗaɓɓiraa on joddi wanaa kadi weltaneende jarnee , me'nen meɗen huli immornde ka jooma a'men ñalaande nde yimɓe ɓen fow ɓiññata e mu'un ɓiññande sattunde , Allaahu on daali wondema o'dandiiɓe bone nden ñalaande o'longiniiɓe neema e welo welo .

4- {أجعلتم سقاية الحاج وعمارة المسجد الحرام کمن آمن بالله واليوم الآخر وجاهد في سبيل الله لايستوون عند الله والله لايهدي القوم الظالمين} suuratu-attawbati /aaya /19 .

Allaahu daali , e'on waɗay yarnooɓe ɓen ka hajju e gollayɓe ɓen ka juulirnde (Alla) hormorteende , wano on neɗɗo gomɗinɗo Alla e ñalaande ndarngal e tinnii fii laawol Alla ngol , ɓen ɓe fotata ka Alla few , kanko Allaahu on o'fewnataa ɓen yimɓe tooñooɓe . oo'ɗoo aara kadi ko jippii ko'fewdo Talhatu bun Sayba e Abbaasi bun Abdil-Muttalib mantondiri : Talhatu wi'i : ko'min woni ɓurɗo haanindunde e Suudu ndun , ɓayra ko'min jongii Saabi (Sotti) mayru on ko'e juuɗe an woni . Abbaasi wi'i : ko'min ɓuri haanundunde e S    uudu ndun , ko'min woni jogiiɗo ñeddunde nden ko'min woni yarnoowo on , ko'fewdo ɗon kisan Sayyidinaa Aliyya (A.S.M) rewi takko maɓe ɗon o'landiiɓe ko'honɗun ɓe woni mantondirnde , ɓe yeetiimo koɓe wowli kon . Sayyidinaa Aliyya maaki : min'mi o;kkaama ila komi woni paykun ko ngooto e mo'on o'kkaaka . ɓe wi'i: ko'honɗun woni nden huunde ? kanko Sayyidinaa Aliyya (A.S.M) o'maaki : ( mi'juulii ado yimɓe ɓen fow ko'min woni jooma jihaadi ndin ) ontuma Allaahu toowuɗo on jippini Aaya on , fii mantungol ko Sayyidinaa Aliyya (A.S.M) mantori kon . si'tawii Al-Quraana on mantii nde'e mantoore labaande ɗoo Sayyidinaa Aliyya (A.S.M) , aru yaanden ka Sunna tedduɗo on ndaaren ko'o wi'i fii makko on :

1-Nelaaɗo Alla on (صلی الله عليه وآله وسلم)hino maaki : (أنا مدينة العلم وعلي بابها) wondema ko kanko Nulaaɗo on woni Saare ngandan ngal , ko Aliyya woni Damal Saare nden .

2- kanko Nulaaɗo on (صلی الله عليه وآله وسلم) maaki : (أنت مني بمنزلة هارون من موسی إلا أنه لانبي بعدي) wondema hiɗa wonanilan yo'Alii , ka Haaruuna wonan'noo Muusaa ɗon si'wanaa tun Annabaajo alaa ɓaawo an .

3-Nelaaɗo on (صلی الله عليه وآله وسلم) himo yewta Sayyidina Aliyya (A.S.M) o'maaki : ( لايحبک إلا مؤمن ولا يبغضک إلا منافق ) , ko'an'yyo Alii yiɗataama si'wanaa on gomɗinɗo , añataama si'wanaa on Naafingiijo . wano Tirmiijii himo fillii immornde e Abii Saiidi-Al-khidrii on hino wi'i : ( کنا نعرف المنافقين ببغضهم عليا) . hari meɗen andiraynoo Naafigiiɓe ɓen añungol maɓe ngol Aliyya .

5- Muslim fillike immornde e kanko Alii bun Abii Taalib wondema himo maaki : (والذي فلق الحبة وبرأ النسمة ، إنه لعهد النبي الأمي إلی : أنه لايحبني إلامؤمن ولا يبغضني إلا منافق) . o'maaki : mi'woondirii tanguɗo ngabbe ɗen tagi Piidi ndin , Annabiijo on hino waɗanilan Ahdi wondema : hay'e ngooto yiɗataalan si'wanaa on gomɗinɗo , añataalan kadi si'wanaa on Naafingiijo .



back 1 2 3 4 5 6 7 8 9 next