Sayyidinaa aliyya (A.S.M) :



ɓayra Nualaaɗo Alla on صلی الله عليه وآله وسلم hendike nden yamiroore iwrunde ka jooma makko toowuɗo on , fii waajangol ngol ngorol makko ɓattiiɓemo , kanko Nulaaɗo Alla on o;yamiri Sayyidinaa Aliyya (A.S.M) yo;o nodduɓe fow ka (Nelaaɗo) tawi himo ndefi ñiiri , ɓe few ɓe ari ka galle Nulaaɗo Alla on (صلی الله عليه وآله وسلم) tawi koɓe worɓe caɓɓanɗe nayo -40- , ɓayra'ɓe ngaynii ñaamunde , Nelaaɗo Alla on (صلی الله عليه وآله وسلم ) o;maaki : ( ko o;non yo ɓiɓe Abdul-Muttalib en ! Allaahu on nuliilan haa'e tagu makko ngu fow , o'nuliilal kadi haa;e mooɗon tigi , kanko Allaahu on himo daali : {وأنذر عشيرتک الأقربين} e;hino miɗo nodda on yo'on aru e konguɗi ɗiɗi newiiɗi ka ɗengal , tedduɗi ɗiɗi ka Balansi , hiɗon waawi laamo'raandeɗi Aarabu on e ko;wanaa Aarabu on fow , jamaa Aduna on fow ɗoftoo on , naatironɗi Al-janna on , daɗironɗi yiite ngen , ko;woni ɗin ko;seedi tangol wondema : (أن لاإله إلا الله وأني رسول الله ) hay;e ngooto haanuɗo reweende ɗoftee alaa si'wanaa kanko Allaahu on , seeditoɗon kadi wondema min komi Nulaaɗo Alla . kala jaabiiɗo lan e ɗu'unɗoo o;woni walloowo lan e hoore ɗu;unɗoo haray ko;o musiɗɗo an ko;o momi wasiyotoo fii;ko lontoolan ko;o hikko tooɗo e an ko;o ronoowo lan , ko;o lontotooɗo lan si;mi feƴƴii ). e nder ko Abuu Lahabi yennata haɗa Nulaaɗo Alla on (صلی الله عليه وآله وسلم) yo;o noddu e diina kan , Abuu Taalibi kan hino tawti Nulaaɗo Alla on ( صلی الله عليه وآله وسلم) , himo wi'amo : jokku ko;yamiraɗaa kon , mi;woodirii Alla komi hiwayɗoma haɗa yo;goɗɗo tanpine . ko'e nder ɗu'un ɗon kisan Sayyidinaa Aliyya (A.S.M) ndarii tawi ko kanko ɓuri fanɗunde duuɓi e nder ɓen tawanooɓe ɗon fow , o;maaki : ( ko;min yo Nulaaɗo Alla on , woni on neɗɗo walloowoma e hoore ɗu'unɗoo ) Nelaaɗo Alla on (صلی الله عليه وآله وسلم) yamirimo toola ngol , ɓayra hay'e ngooto jaabaaki Nulaaɗo on kanko Sayyidinaa Aliyya o;immii kadi ɗin'mun Nulaaɗo Alla on (صلی الله عليه وآله وسلم) hino jonɗɗinamo kadi . Nulaaɗo Alla on صلی الله عليه وآله وسلم) fuɗɗitii kadi noddungol yimɓe makko ɓen , kono hay;e ngooto jaabaakimo , tawi ko hito Sayyidinaa Aliyya ngon tun woni nootaande noddaango ngon , himo jonna hoore makko fii wallungol Nulaaɗo on , on iimaanu makko tiiɗuɗo ɗon e doole pellital makko ɗon seeki deƴƴere maɓe nden , ɓayara tawii hay'e ngooto jaabaaki Nulaaɗo Alla on صلی الله عليه وآله وسلم ka laawol tammol , kanko Nulaaɗo Alla on o;yeƴƴitii on Neɗɗo ngooto nootiiɗomo , o;maaki : ( toolo , ko'an woni musiɗɗo an;on ko;an woni on'momi wasiyotoo mi;accira fii diina kan , ko;an woni hikkiiɗo e an;on ko;an woni ronoowo lan on , ko;an woni lontotooɗo lan on si;mi feƴƴii ) . ontuma yimɓe ɓen fow immii , tawi hiɓe wi;a Abuu Taalibi : ( yomen tolne hande ɓayra a;naatii ka diina ɓiɗɗo kotoo maaɗa on , e hino o;waɗii yo ɓiɗɗo maaɗa on yo;laamoma ) .

ka daɗudi Nulaaɗo Alla on (صلی الله عليه وآله وسلم) :

Sayyidnaa Jibriil (A.S.M) andini (humpiti) Nulaaɗo Alla on (صلی الله عليه وآله وسلم) windema Allaahu toowuɗo on yamiriimo yo'o eggu o'seenoo Madiina , kanko Nulaaɗo on o'waɗi ko jooma makko toowuɗo tedduɗo mawnuɗo on yamirimo kon kisan , ɗoo'e ayɓe ɓen heɓude feere makko , ɓayara Niwre nden huuɓitii jemma on , ɓen fewjunooɓe fii nangu ngol Nulaaɗo Alla on ( صلی الله عليه وآله وسلم) ɗooyoɓe yaltunde ka Suudu maɓe ado;ɓe yaltunde . ko;ɗon ari golle Sayyidinaa AAliyya (A.S.M) ɗen , Nulaaɗo Alla on (صلی الله عليه آله وسلم) yamirimo yo'o waalo ka ndaɗɗudi maɓe , ɓe suddoo Suddaare maɓe nden , kanko Nulaaɗo Alla on (صلی الله عليه آله وسلم) o'yalti o;rewi hakkunde Ayɓe Alla ɓen tawi himo janga Aaya: { وجعلنا من بين أيديهم سدا ومن خلفهم سدا فأغشيناهم فهم لايبصرون } suuratu-yaa;sin /aaya /9 . hay'e ngooto e heeferɓe ɓen yi'aalimo .

   ɓayra Subaka on yonii ayɓe ɓen yani e Suudu Nulaaɗo Alla on (صلی الله عليه آله وسلم) fii nangu ngolmo ɓe sutori ka Saabur makko , tun Sayyidinaa Aliyya ñorti ko suddii'kon o;fewtiti e maɓe himo wi'aɓe : ko ɗaɓɓoton ɗoo ? ɓe wi'i : ko honto Muhammadu woni ? o'wi'i : ( ko min halfinɗonmo ? wanaa o;non wi'unoo wondema on yaltinaymo ka leydi mo'on ɗoo , a'wa o'yaltii o;accii;on ) .

  ontuma kanko Nulaaɗo Alla on (صلی الله عليه وآله وسلم) o'yalti Saare makka nden o;sutori madiina , kono tawi heeferɓe ɓen hino jokkitudemo

   o;seenii haa;e Fanmeere o'naati ɗon , ɓayra wonii ɗon jemma ɗimmo on Sayyidinaa Aliyya (A.S.M) e Hindi ɓiɗɗo Abii Haalata on ɓe seenii heña ka Fanmeere ton fii humpitangol Nulaaɗo on (صلی الله عليه وآله وسلم) tawi ko jenma ɓe yehiri , kanko Nulaaɗo Alla on (صلی الله عليه وآله وسلم) yewtidi e Sayyidinaa Aliyya (A.S.M) fii piiji ko;o haani naɓornde , o;yamiri Sayyidinaa Aliyya (A.S.M) , jonnitungol kalifuuji ɗin jeyɓe ɓen , e tawoyngolm kanko Nulaaɗo Alla on (صلی الله عليه وآله وسلم) Madiina , hara himo naɓori Neene Faatimatu-ajjaharaa;i (A.S.M) e ɓen Sonnaaɓe jeyaaɓe e Suudu Nelaaɗo ndun .

Sayyidinaa Aliyya ka hawre Badri :

Hari julɓe ɓen hino fota si;heeferɓe ɓen feccaama laabi tati , ɓe ƴetta peccun tammun kun , tawi kadi julɓe ɓen jongaaki Aalaaji fii hawre nden , wanaa kadi mbaɗɗateeri ɓe joginoo , hari ɓuraa Aa'den ngooto waɗɗiiɗo puccu hakkunde maɓe .

   ɓayra piiro ngon fuɗike hakkunde julɓe ɓen e heeferɓe ɓen , Sayyidinaa Aliyya (A.M.S) feƴƴi yeeso  tawi hiɓe jogii darapo , Nulaaɗo Alla on (صلی الله عليه وآله وسلم) , o'naati ka gere tawi alaa waawuɗo ndarta ngolmo , fewdo ontuma tawi julɓe ɓen fow hino toroo jooma maɓe ɗaɓɓere mbanlan , o'jaabinaniɓe toraare nden o'ɓeydiriɓe Malaa'ikaaɓe , hawre nden lanniri wareende Worɓe 70 e Heeferɓe ɓen , e nangungol Worɓe 70 e maɓe kadi , tawi feccere ɓurde nden e ɓen waraaɓe ko'e juuɗe Sayyidinaa Aliyya ɓe waraa .

ka hawre Uhdi :



back 1 2 3 4 5 6 7 8 9 next