wonde Al-Quraana on bon’nitaaka



      Nde Allaahu on no daala : {بل يداه مبسوطتان }[15] wondema Juuɗe makko ɗen (kanko Alla) ko fontiiɗe . maa ka’o daalata :{واصنع الفلك بأعيننا} [16] moƴƴin Laana kan e Gite amen , ɗun ɗoo hollataa wondema kanko Allaahu seniiɗo on ko’o marɗo tere ɓandu wano Jungo e Gite , ɓayra kala ɓandu hino pecce pecce koko hatonjini e Jamaano e Nokkuure e ka fewtitiri ɓandu koko lan’nata , Allaahu on toowuɗo jon moƴƴere nden ko’o mawnuɗo haaka o sifora ɗin sifaaji , ko faandaa e (Juuɗe ɗen) ko nbaadi makko timmundi tawyndi Aduna on fow no yankinanii ndin bawdi , ko faandaa e ( Giteɗen) ko andugol makko kala huunde .

    Ko ɗun waɗi enen en jaɓata on fendagol e ɗin konguɗi yawtuɗi – fotinon ko ɗin yowitiinɗi e Sifaaji Allaahu on maa hara ko goɗɗi goo – e manjintingol ɗin Piiji hakkillaaji e eggaaɗi-ƴettaaɗi- ( ka Sunna e ka Defte go ) , ɓayra tuugagol e ɗin piiji woni Laawol ko marɓe Hakkil ɓen fow jokkata , ko ɗon tigi Al-Quraana on kadi tuugori e ngol Laawol : {وما أرسلنا من رسول إلاّ بلسان قومه }[17] wondema Men nulaali hay’e gooto e Nulaaɓe ɓen siwanaa e ɗengal Yimɓe makko ɓen , siwanaa tun hino ton piiji goo hiɗi haani wonde feeñuɗi ɓangi moƴƴa wano wiiru ɗen non .

                                  

*     *     *

 

31- hulɓinagol firirgol feere mun :

         Enen hiɗen fiɓi (hoolii) wondema firirgol (Quraana on) feere mun hino tawaa e ko ɓuri hulɓinaande e piiji yowitiiɗi e Quraana tedduɗo on ,  tawde Hadiiseeji ɗin[18] hino tawi ɗun ko jeyaaɗun e bakkatuuji mawɗi , hino woɗɗintina jon’mun e Allaahu tedduɗo on , arii e Hadiis wondema Allaahu on daalii : ( gomɗinaali lan on firirɗo Yewtere anden feere muuɗun )[19] . ɗun ɗoo koko ɓangi ɓayra gomɗinɗo on ka goonga goonga firirtaa Yewtere Allaahu nden wano no’o yiɗiri o faaliraa non (kanko Neɗɗo on) .

   ɓayra arii e Hadiise tedduɗo wonɗo hikkude ɗoo fillaaɗo e Annabiijo on صلى الله عليه وآله وسلم ka ɗuuɗi e Defte andaaɗe hino tawaa e ɗen Tirmiijiyyu e Nisaa’ii e Abii’daawuunda : (wondema kala adduɗo feeremun ka Quraana maa’owowla ko’o andaa fii mun haray yo’o eɓɓindano jonde makko nden ka Yiite)[20] .

   ko faandaa e wi’ugol firirde Quraana on feere mun ko firirgol no faaliraanon maaɗun firira fedde yaagal, hara heɓaali ko iwri ka firooɓe ɓen hay huunde ko hollata maa ko seedinta sellugol mun , wano oo Neɗɗo ɗoo tigi tigi o’jokkaa Al-Quraana on , ko’o faalaa ko yo Al-Quraana on jokkumo , hara ɓernde makko nden heɓuno Gomɗingol Quraana on no timmiri o waɗataano ɗun .

    sikki taaka wondema Quraana tedduɗo on array ka hattii darja mun sitawii damal firirgol feere mun on udditaama , ɓayra Neɗɗo kala aray nde firiri wano faaliraa non o gollitira Quraana on e finde ɓoyliinde bonde .

    ko  e hoore ɗun ɗon tawi firirgol Quraana on feere munden hara koko lundii Peesirgal fii ngandal Haala Aarabu kan e faamugol Yimɓe Haala kan , e gollitirgolnde e hoore sikkeeji mun bonɗi e jokkugol faaleeji hoore mun maaɗun faaleeji Fedde Yankooje , nden huunde addaynde bongol Quraana on ka maanaa .



back 1 2 3 4 5 6 next