wonde Al-Quraana on bon’nitaaka



      Ko ɗun waɗi hiɗen fiɓi wondema Lislaamu on seedataa e Laamungun e Saria on pooma , himo nodda Julɓe ɓen yoɓe jogitano hoore maɓɓe fiyakuuji maɓɓe ɗin fii haa ɓe wunita jikkuuji toowuɗi Lislaamu on , e waɗugol Jamaa Lislaamu yankoojo mono yaara fii tabintingol Nunɗal , e Gollitirgolmo (Nunɗan gal) fii Giɗo e Gaño : { ياأيها الذين آمنوا كونوا قوامين بالقسط شهداء لله ولوعلى أنفسكم أوالوالدين والأقربين }[5] ko onon yyo gomɗimɓe (Alla) wonee darantooɓe Nunɗal wonon seeditortooɓe fii Alla haysi wonii ko’e hoore mon maa hara ko’e hoore mawɓe mooɗon woni maa hara ko’e ɓen ɓattiiɓe on .

{ ولايجرمنّكم شنآن قوم على ألاّتعدلوا إعدلوا هو أقرب إلى التقوى }[6] wata konnaagu Yimɓe fawu on ronkon nunɗude , nunɗee ko ɗunɗon ɓuri on ɓattinde e kulol (Alla) .

                                        *     *     *

 

 

28- Jangu'ngolde e taska'ngolde e gollitirgolnde :

Enen hiɗen fiɓi (hoolii) wondema jangungol Al-Quraana on hino tawaa e ko ɓuri moƴƴude e ndewe tawata ndewe luttuɗe ɗen waawata hewtunde ɗon , ɓayra on jangungol ɗon wallay fii taskagol Al-Quraana on , ko on (taskagol) miijitoo woni Neene kala golle moƴƴe ɗen .

  Kanko toowuɗo on o daali himo yewta Annabiijo makko on صلى الله عليه وآله وسلم : { قم الليل إلا قليلا * نصفه أوانقص منه قليلا * أوزد عليه ورتل القرآن ترتيلا }[7] immo Jemma naafaa siwanaa seeɗa e makko wano feccere makko on maaɗun ɗuytaa e nden feccere makko ɗon seeɗa * maaɗun ɓeyndaa e hoore ɗon , jangaa Al-Quraana on jangunde .

  Kanko toowuɗo on himo yewta kadi Jamaa Julɓe ɓen fow e kongol kanko tedduɗo ɓurɗo kala yewtoowo : { فاقرأو ما تيسّر من القرآن }[8] janggee Al-Quraana on yeruwoo ko newanii on .

 Kono non – wano wiiruɗen non – hino haani katawata jangugon ngol koko addata miijitangol e taskagol ko nde hollikon e ko nde wondi kon , on taskagol ɗon hino haani tawde ko daɗɗande fii gollitirgol Al-Quraan on : { أفلا يتدبرون القرآن أم على قلوب أقفالها }[9] e hara ɓeekan taskotaako oo Al-Quraana kaa hara noka hoore ɓerɗe ton Bogorooje .  { ولقد يسرنا القرآن للذكر فهل من مدكر }[10] gomɗii men newinii Quraana on wonande on waajitotooɗo e hara nowoondi waajitotooɗo . { وهذا كتاب أنزلناه مبارك فاتبعوه }[11] nde’e (Quraana on) ko deftere men jippiniinde ko wondunde e Barki jokkeende .

   Ko’e hoore ɗun kala tawɗo ko yo o jangunde tun maa hara ko yo o hunjonde tun hara o taskaaki o gollitiraali haray o hayrii hayrande mawnunde ( Perdu) ,  ɓayra ko o golluɗo soɓɓudu wooturu ndun o acci non Coɓɓi ɗiɗi hittuɗi ɗin .



back 1 2 3 4 5 6 next