ulii alamri



       Enen hiɗen fiɓi ( hoolii ) wondema Annabaaɓe ɓen fow , tentinande on sakkitoro maɓɓe ( محمد صلى الله عليه وآله وسلم ) , hari hiɓe saloo kala e noone addoowo Leƴƴi Leƴƴi yaagal , koɓe ndaaraynoo Jamaa on fow e Leƴƴiɗin fow e Yimɓe ɓen fow e Haalaajiɗin fow e kala Nooneeji ɗin ko ndarɗe goote , Quraana tedduɗo on hino yewta kala e Nooneeji Neɗɗanke fow himo wi’a : { ياأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إنّ أكرمكم عند الله أتقاكم }[10] ko onon yo Yimɓe men tagii on immorde e Gorko e Debbo , men waɗi on Leƴƴi Leƴƴi e Gori Gori fii yo on andidir , ko ɓuri marde teddungal e mon ka Alla woo , ko on ɓurɗo hulude ( Alla woo ).

   Fillaama e yewtere Nulaaɗo Alla  صلى الله عليه وآله وسلم andaade ka’o maaki e nder Mina ka fewndo Hajju tawi Yimɓe ɓen no’hunditimo : ( ko o non yo Yimɓe , Jooma mon ko gooto Baaba mon ko gooto . hey ko onon Aarabuujo on ɓuraa mo hinaa Aarabuujo , on mohinaa Aaarabuujo kadi o’ɓuraa on Aarabuujo , wanaa kadi on ɓaleejo woni ko ɓuri on Boɗeejo , wanaa kadi on Boɗeejo woni ko ɓuri on ɓaleejo siwanaa hara ko kulol Alla . enee hara mi yottinii ? ɓe wi’i: eyyo . o’maaki : yo tawaaɗo yeeto on’mo tawaaka ).

                                    

       Dama Al Quraana on e Defte iwruɗe ɗen ka, ka kammu:

Al-Quraana on e Defte ( iwruɗe ) ka kammu ɗen :

24- Ella jippagol ɗe’e Defte ( iwruɗe ) ka kammu :

          Enen hiɗen fiɓi ( hoolii ) wondema Allaahu tedduɗo mawɗo on o’jippinii Defte ( iwruɗe ) ka kammu ɗuuɗuɗe fii fewnugol Noone Neɗɗanke on , hino tawaa e ɗen ɗereeli (Annabi ) Ibraahiima ɗin e ( Annabi ) Nuuhu ɗin e Tawraata on e Linjiila on , Al-Quraana tedduɗo on ko kanko woni moftuɗo ɗun ɗoo fow , haranun ɗe’e Defte jippanooki Neɗɗanle on faljayno e nder yaadu makko ndun ka andugol Alla , e rewgolmo Alla on , o wƴƴitotono e daƴƴere kulol Alla ngol e jikkuuji ( moƴƴiɗin ) , e Needidin e on Sari’a mo Jamaa on hatonjini e mun .

   ɗe’e Defte Asamaanu Yankooje jippike e hoore ɓerɗe ɗen fii Yurmeende , ɗe fuɗini e Neɗɗo on kulol ( Alla ) e Jikku ( moƴƴo ) e andugol Alla  e gandal e Faamu : { آمن الرسول بماأنزل إليه من ربه والمؤمنون كل آمن بالله وملائكته وكتبه ورسله }[11] Nulaaɗo on gomɗinii konko jippinaa’e makko immorde e Jooma makko , gomɗimɓe ɓen fow kadi gomɗinii Allaahu on e Malaa’ikaaɓe makko ɓen e Defte makko ɗen e Nulaaɓe makko ɓen .

    kono hino tawaa ko yurmikon tawde Defte buy Asamaanu yankooje bonnitaama e Juuɗe ɓen majjuɓe bun’nooɓe , naadaa e nder majje piiji bonɗi , siwanaatun Al-Quraana tedduɗo on heɓaali ngol bon’nitegol ɗon , sabu piiji buy hiɗen jantoyooɗi , Quraana on heddike wano Naange fuɗunge hinge jalbina ɓerɗe e nder kala Jamaanu : { قد جاءكم من الله نور وكتاب مبين * يهدي به الله من اتبع رضوانه سبل السلام }[12]  gomɗii arii on immorde ka Alla Annoora e Deftere ɓangude * Allaahu on nofewnirande on jokkuɗo ko Alla faalaa kon , woni ɗate kisal .

                                  



back 1 2 3 4 5 6 7 8 9 10 11 12 13 14 15 16 17 18 19 next