ulii alamri



         Enen hiɗen fiɓi (hoolii) wondema firirgol (Quraana on) feere mun hino tawaa e ko ɓuri hulɓinaande e piiji yowitiiɗi e Quraana tedduɗo on ,  tawde Hadiiseeji ɗin[33] hino tawi ɗun ko jeyaaɗun e bakkatuuji mawɗi , hino woɗɗintina jon’mun e Allaahu tedduɗo on , arii e Hadiis wondema Allaahu on daalii : ( gomɗinaali lan on firirɗo Yewtere anden feere muuɗun )[34] . ɗun ɗoo koko ɓangi ɓayra gomɗinɗo on ka goonga goonga firirtaa Yewtere Allaahu nden wano no’o yiɗiri o faaliraa non (kanko Neɗɗo on) .

   ɓayra arii e Hadiise tedduɗo wonɗo hikkude ɗoo fillaaɗo e Annabiijo on صلى الله عليه وآله وسلم ka ɗuuɗi e Defte andaaɗe hino tawaa e ɗen Tirmiijiyyu e Nisaa’ii e Abii’daawuunda : (wondema kala adduɗo feeremun ka Quraana maa’owowla ko’o andaa fii mun haray yo’o eɓɓindano jonde makko nden ka Yiite)[35] .

   ko faandaa e wi’ugol firirde Quraana on feere mun ko firirgol no faaliraanon maaɗun firira fedde yaagal, hara heɓaali ko iwri ka firooɓe ɓen hay huunde ko hollata maa ko seedinta sellugol mun , wano oo Neɗɗo ɗoo tigi tigi o’jokkaa Al-Quraana on , ko’o faalaa ko yo Al-Quraana on jokkumo , hara ɓernde makko nden heɓuno Gomɗingol Quraana on no timmiri o waɗataano ɗun .

    sikki taaka wondema Quraana tedduɗo on array ka hattii darja mun sitawii damal firirgol feere mun on udditaama , ɓayra Neɗɗo kala aray nde firiri wano faaliraa non o gollitira Quraana on e finde ɓoyliinde bonde .

    ko  e hoore ɗun ɗon tawi firirgol Quraana on feere munden hara koko lundii Peesirgal fii ngandal Haala Aarabu kan e faamugol Yimɓe Haala kan , e gollitirgolnde e hoore sikkeeji mun bonɗi e jokkugol faaleeji hoore mun maaɗun faaleeji Fedde Yankooje , nden huunde addaynde bongol Quraana on ka maanaa .

   firirgol feere munden hino mari ellaaji e nooneeji ɗuuɗuɗi, hino tawaa e majji suɓagol Aayeeje Quraana goo , ko woni ɗun koyo on firoowo suɓu wano e nder wiƴƴitanɗe ɗen ka fii Tefoore e ka wootinɗin gol maaɗun ka fii Al-maamaaku yaagal e piiji gooɗe ɗen Aayeeje ɗe lundaaki nden feere makko o’accaɗon ɗen Aayeeje tawata ɗe yaadaa e miijo makko gon , miijo ngo waawaali firude ɗen Aayeeje.

    Ka raɓɓinɗingol : fendagol e konkuɗi Quraana tedduɗo on ronka hintinde (kippa) fii ɗin piiji Hagillaaji ɗin e ko eggaa kon ka Defte girritaaɗe haray ɗun ɗon ko noonee e selugol non ,  wano tawiri firirgol feere munden ko noonee goo kadi e selugol, ɗin ɗon ɗiɗii ɗun koko addata woɗɗitagol e Gande Quraana toowuɗo on e darjaaji nde’e deftere Kammu yankoore , tasko .

 

 32- Sunna tertoraaɗo sabu Deftere Alla nden:

        Enen hiɗen fiɓi (hoolii) wondema hay’e gooto waawataa wi’ude : Deftere Alla nden tun yoniien , o’yejjita ɗon Hadiiseeji e Sunna Annabiijo on konko firata tigi tigi Al-Quraana on , ɓangina ( Aaya) firtuɗo on e (Aaya) firtaaɗo on e (Aaya) hertiiɗo on e (Aaya) huuɓituɗo on , o ɓangina ndaƴƴere Diina kan e Calɗi makka on , ɓayra Aayeeje Quraana on kanje tigi ɗe waɗii Sunna Annabiijo on صلى الله عليه وآله وسلم e fii ngurndan makko ɗan Hujja e hoore Julɓe ɓen , o’waɗimo Neeneere fii faamugol Diina kan e yiitugol ñaawooje ɗen :{وماآتاكم الرسول فخذوه ومانهاكم عنه فانتهوا}[36] (o’inni) ko Nulaaɗo jonni on kon jaɓee , ko’o haɗi on fii mun kon haɗitee .



back 1 2 3 4 5 6 7 8 9 10 11 12 13 14 15 16 17 18 19 next