ulii alamri



     Enen hiɗen fiɓi ( hoolii ) wondema Al-Quraana tedduɗo on ɓanginii sibasiman kala haaju Neɗɗanke on konko no hunna namo e nder Gurndan makko Aduna yanko jan e Laakara yanko jan , ɓayra o waɗaniimo Dosɗe timmuɗe fii ko yowitii e Laamuuji e Laamagol Leydi e jokkondiral yoga e mottondire ɗen , e daƴƴere wuuridugol e fii hawreeji ɗin e fii Kisangal , e fii ko yowitii e telemma ka ñaawoore e ka Jawle e piiji goo . nde tawnoo tabintingol ɗun ɗon gollitira koko hebbinta ngurndan Neɗɗanke on Malal : { ونزلنا عليك الكتاب تبيانا لكل شئ وهدى ورحمة وبشرى للمسلمين }[19] Men jippinii e hoore maaɗa ( yo Muhammadu ) nde’e Deftere ko nde ɓanginde kala huunde ko nde peewal ko nde yurmeende ko nde welo welo wonande Julɓe ɓen fow .

      Ko ɗun waɗi hiɗen fiɓi wondema Lislaamu on seedataa e Laamungun e Saria on pooma , himo nodda Julɓe ɓen yoɓe jogitano hoore maɓɓe fiyakuuji maɓɓe ɗin fii haa ɓe wunita jikkuuji toowuɗi Lislaamu on , e waɗugol Jamaa Lislaamu yankoojo mono yaara fii tabintingol Nunɗal , e Gollitirgolmo (Nunɗan gal) fii Giɗo e Gaño : { ياأيها الذين آمنوا كونوا قوامين بالقسط شهداء لله ولوعلى أنفسكم أوالوالدين والأقربين }[20] ko onon yyo gomɗimɓe (Alla) wonee darantooɓe Nunɗal wonon seeditortooɓe fii Alla haysi wonii ko’e hoore mon maa hara ko’e hoore mawɓe mooɗon woni maa hara ko’e ɓen ɓattiiɓe on .

{ ولايجرمنّكم شنآن قوم على ألاّتعدلوا إعدلوا هو أقرب إلى التقوى }[21] wata konnaagu Yimɓe fawu on ronkon nunɗude , nunɗee ko ɗunɗon ɓuri on ɓattinde e kulol (Alla) .

                                        *     *     *

 

 

28- Jangugolde e taskagolde e gollitirgolnde :

Enen hiɗen fiɓi (hoolii) wondema jangungol Al-Quraana on hino tawaa e ko ɓuri moƴƴude e ndewe tawata ndewe luttuɗe ɗen waawata hewtunde ɗon , ɓayra on jangungol ɗon wallay fii taskagol Al-Quraana on , ko on (taskagol) miijitoo woni Neene kala golle moƴƴe ɗen .

  Kanko toowuɗo on o daali himo yewta Annabiijo makko on صلى الله عليه وآله وسلم : { قم الليل إلا قليلا * نصفه أوانقص منه قليلا * أوزد عليه ورتل القرآن ترتيلا }[22] immo Jemma naafaa siwanaa seeɗa e makko wano feccere makko on maaɗun ɗuytaa e nden feccere makko ɗon seeɗa * maaɗun ɓeyndaa e hoore ɗon , jangaa Al-Quraana on jangunde .

  Kanko toowuɗo on himo yewta kadi Jamaa Julɓe ɓen fow e kongol kanko tedduɗo ɓurɗo kala yewtoowo : { فاقرأو ما تيسّر من القرآن }[23] janggee Al-Quraana on yeruwoo ko newanii on .



back 1 2 3 4 5 6 7 8 9 10 11 12 13 14 15 16 17 18 19 next