Imaamu Hassan geɗal Ali- A-Zakiyyi (a s)



YEWTEREEJI SUUTAAƊI FII IMAM HASAN (S A)

REWRO NGON:

Dammbe makko e dañeede makko (a s).

Ko kanko woni imaamuujo ɗiɗaɓo on ka nder ɓeynguure laɓɓinaande, ko kanko woni arono siwtaaɓe ɓen ɗiɗo, ko kanko woni gooto e koohooɓe sukaaɓe ɓen ka nder aljanna, ko'o gooto e taaniraaɓe nelaaɗo Allaahu on (a s w) ko'o jeyaaɗo e njowo buumiranoo ɓe suddaare nden. Ko imaamu Alii Ibnu Abii Taalib woni baaba en makko, yumma makko ko Faatimatu Zahraa kookoojo sonnaaɓe ɓen fow, ko nelaaɗo Allaahu on (a s w) woni soro makko.

Ko ka Madiina o dañaa ñannde sappo e jowi suumayee ka hitaande ɗiɗaɓere maa ka tataɓere fergu, ko'o geɗal Faatima e Alii (a s).

Anasi bun Maalik fillike wi'i: Hari hay e gooto nanndaa e nelaaɗo Allaahu on (s a w) ɓuri Hasana bun Alii (a s).

Ɓaawo Hasan jibinaama Faatima wi'i Alii: Innu mo, Alii jaabii mo: Mi adotaako nelaaɗo Allaahu on (s a w) innugol mo, nelaaɗo Allaahu on (a s w) seenii ɓe yaltini mo ɓe maaki: Yaa an Allaahu ! Miɗo moolimaa yo'a danndu mo kanko e ɓiɗɗo makko bone Seytaane) ɓe noddini ka nowru makko ñaamuru ɓe darni ka nowru makko nanuru, ɓe inni mo Hasan, hari ndee innde ɗoo alaa ka jamaanu jaahiliyya, hino jeyaa e jammooje makko ɗen : Attaghiyyu, Zakiyyu, Sibtu.

Imaamu Hasan e Mu'aawiya.

Ɓaawo imaamu Alii (a s) sahinndinaama imaamu Hasana waɗano lontiiɗo, ɗun lolli e nder leydi julɓe ɓen ɓen, ɗun dillini Mu'aawiya murtunooɗo e nder leydi Saami, o noddi fewjodeteeɓe makko ɓen o wɗi tummbondiral ɓe fottani ka nder tummbondiral ɗon saakitugol tefindotooɓe e nder leydi julɓe ɓen e nder laamateeri imaamu Hasana ndin fow fii memmingol fitina.

Ɓaawo imaamu Hasana (a s) anndii annuyeeji ɗi Mu'aawiya soomodinoo e mu'un ɗin, o winndani mo kaydi o hulɓiniri mo haɓugol mo si tawii o tawtaali jamaa julɓe ɓen, kaydiiji ɗin woni lontondirgol hakkunde maɓɓe haa ɗun addi yanogol hawre hakkunde maɓɓe tawi ko Mu'aawiya woni ko ɗaɓɓiti ɓaawo ko kanko sogguɗo konu makko ngun naɓiri Irak, imaamu on fenñini hare fii dartagol gaño on, si wonaa tun ko ɓuri muusude kon yimɓe imminanooɓe ɓanngingol ngol fii hare ɗen hari battinorii konnguɗi Ma'aawiya e jamaa mu'un ɓe waɗanaali yila.



1 2 3 4 5 6 next