Hunorde



Lanndal hino waawi arude e hakkille neeniraawo wonuɗo fuɗɗaade jibinngol ko honno neeniraawo waawirta fonnude hakkunde ɓiɓɓe ɓen fow e nder saa’i mo tawata neeniraawo on saa’iiji makko ɗin fow ko fii boobo makko  muynoowo on maapini mo, en laanaɓay sifa on neeniraawo ɗon tawayɗo miɗɗo makko njano on hino ndaarude goɗo keso aruɗo senndi mo e mawɓe makko ɓen .. yo’o ñawndir alhaali on no woni e arirde ɗoo nii:

1-faamingol wonnde paykun kun ko njano

Neniraawo hino waawi yewtidude e njano hara himo muyninnde o wi’a: Heewii ko mi faaletee nde miñan ma’a njanɗata o wona sifa ma’a o ñaama kanko tun, hara himo mari ñiiƴe.. fii yomi fowto muyningol mo, kono on saa’i hay e huunde o waawanaa hoore makko hay e huunde.

O wi’a ɓiɗɗo makko njano on tuma muynoowo on wulli: Men arii fanku wata wullu.. kotoo ma’a anndinte wi’ugol miɗo weelaa hara wonaa yo’a wullu, ko wano ɗii ɗoo konnguɗi e ko nanndi e majji paykun njanun kun waawaa anndinireede wonnde o njanɗii. Paykun hino hatonnjini e sifa ndee ɗoo toppitannde.

2-Wata haɗu mo wi’aa mo: Wata waɗu

Si tawii en faalaama woɗɗinde mo nawlugol boobo tosooko on, haray hino yiɗaa nde neeniraawo on wi’ataa paykun njanun kun: Wata a wullu sifa miñan ma’a tosokun kun.. maa wata a jooɗo takko an sifa paykun.. maa wata a yaru ka miñan ma’a tosokun yarata ɗon.

3-Waɗangol mo piiji ɗi’o heerori:

Ko bee paykun kun anndinee wonnde o njanɗii, o anndinee kadi ko boobo tosooko on wonaa wattiraneede yila ko sabu anngal gaynangol hoore makko watta ɗon non waɗanngol mo sifaaji ɗi’o heerori ɓaawo o njanɗii.. haanaa ka boobo on tun wattane yila hara o heɓaali piiji ɗi’o hertori.. ko bee rerɗen waɗanngol mo piiji feereeji ɓaawo o njanɗii.. wano soodangol mo huunde inna mo: Ndee ɗoo huunde ko an jey nde ɓaawo a njanɗii, wata a jonndu nde miñan ma’a ɓaawo kanko ko’o boobo.. ku’un fijirkun labaa kun ɗoo ka an jey ɓaawa a njanɗii.. ko wano non hino waɗɗii rentagol okkugol mo huunde inna ko miñan makko okki mo nde.. ɓaawo waɗugol ɗun waɗay ka ɓernde makko wonnde kanko o waawataa waɗannde miñan makko hay e huunde sifa ko miñan makko waɗani mo kon.. nawliigu ngun ɓurta ɓeydaade ka ɓernde makko.

4-Wata a jaɓu ko’o lorrata kon jaɓaa faaleeji makko ɗin:

Ko bee haɗaa paykun njanun kun ko kun lorrata tosokun kun si tawii o townii junngo makko ngon piyugol boobo on.. jogitoɗaa junngo makko ngon maa huunde nde’o faalaa piyirde mo nden.. fiima ɗun jogito mo ɓannitaa mo takko ma’a e hoore yurmee nde woɗɗinaa mo boobo on.. sabu paykun kun faalaaka lorrude miñan makko, kono si tawii mawɓe makko ɓen wattanii yila e muynoowo on tun ɗun adday yo’o piyu mo.. ko fii ɗun waɗi hino haanani neeniraawo on haɗugol mo piyugol ngol, o jaɓana mo monee makko on ɓaawo o waawataa senndindirande hoore makko.



back 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 next