Hunorde



Siɓɓe annabi Yuusufu ɓen wi’aano baaba en maɓɓe ko Annabi Yuusufu tun yiɗi, sabu si tawii mawɓe ɓen ɓurnii paykun gootun e hoore luttuɓe ɓen – hara on tigi yejjitaali hay e gooto e maɓɓe- ɗun adday yo paykoy luttukoy koy fow waɗu ko paykun kun waɗi haa ɓurnaa e hoore maɓɓe kon fii yo kamɓe kadi ɓe ɓuru .. ɗun adday yo paykoy koy adondir waɗugol ko moƴƴi.

Hino haanani mawɓe ɓen waɗan ngol yila ko honɗun e huunde ɓe ɓurnirta paykun e hoore luttuɓe ɓen.. tuma tawi ko firooji haghiihgaaji wano waɗugol ko moƴƴi e ne’anagol yimɓe ɓen e heɓugol sifaaji teddungal e munñagol e hoore sattee nde.. e nder on saa’i ɗon hino jeyaa e ko selli ɓurnugol e hoore luttuɓe ɓen sabu ɗun adday yo paykoy luttukoy koy adondir waɗugol ɗen golle ɗon.. ko goonga needi lislaamu ndin sartinaa ɓurnindirgol ngol, ko woni tun needi lislaamu ndin hino jaɓi sarti, eggaama e gooto e fillotooɓe ɓen wonnde hino:

Mi lanndinoke Abuu Hasan (a s) fii gorko hara himo mari ɓiɓɓe, enee o ɓurnindiray ɓe ? O maaki (a s): Eyyo ella alaa, hari baaba en an Abii Abdillaahi hino ɓurnammi e hoore Abdullaahi) ndaaru deftere wi’etee nde Manlaa yahaduruhul Faghiih suutannde 3 ɓere ɓure fii paykoy koy).

Neeniraaɓe go’o paykun maɓɓe hino ɓurana ɓe e hoore paykoy maɓɓe luttukoy koy sabu gari makko maa tawde ko’o gorko maa, ka nder miijo lislaamu ngol ɗon ɓurnugol ko faljere non sabu ŋari maa ngorgu maa ko wonaa ɗun immorde e firooji wonaa waawaaɗi adondireede e mu’un.

Paykun maranaa hoore mu’un feere nde o wonata ɓuruɗo siɗɗo makko on ŋari.. e sifa ndii ɗoo mbaandi paykun kun maraa laawol daɗirgol si wonaa nawlugol siɗɗo makko on haasoo mo e ɓen wonuɓe takko makko immorde e ɓeynguure makko nden e jamaa on.. Fillaama e imaamu Alii (a s) wonnde o maakii: (Mi toraaki jooma an geɗal ɓe hecciɗuɓe geece mi toraaki mo ɓiɗɗo feewa darndeejo, kono mi torike jooma an geɗal ɓe ɗoftiiɓe Allaahu hulayɓe mo, haa si tawii mi ndaarii mo ko’o ɗoftiiɗo Allaahu on ɓernde an nden ɓuttay) Ndaaru deftere wi’etee nde bihaarul Anwaari suutannde 101 dammbugal fure fii fayɓe ɓen.

Eɓɓindirgol hakkunde fayɓe ɓen:

Eɓɓindirgol mawɓe ɓen hakkunde fayɓe maɓɓe ɓen ko huunde ɓittinay nde ɓe.. wano tawiri sonnaajo on ɓittoto si tawii moodi makko ɗaɓɓirii mo nde’o eɓɓindirta mo e mo’o eɓɓondiraa.. paykun kadi ko non hikun wa’i wa njano, wano tawiri eɓɓindirgol neeniraawo on maa baabiraawo e ko’o eɓɓondiraa ɓittinay mo, haray neeniraawo on kadi tuma go’o ɓittinay mo yeeso siɗɗo makko mo’o eɓɓindiraa e mu’un on.

Ko fii ɗun waɗi si tawii hino haanani neene e baaba ronkugol gollitirgol eɓɓindirirgol fayɓe ɓen mantoore maa ŋiñugol..

Ko honno ñawndirten nawliigu paykoy koy?

Anndugol nawnaare ko feccere lekki, ko non faamuɓe ɓen wi’iri, ko fii ɗun waɗi anndugol meeɗen sababuuji nawliigu ngun nafay en buy ka ñawndugol si tawii en rewtike sababuuji ɗin addayɗi nawnaare nden.. watten ɗon wonnde ko ɓuri himmunde e ñawndugol nawliigu paykun kun ko waɗirgol ko’o faalaa kon giggol e yurmeende wonndude e teddingol woodeede maɓɓe nden ko ɗin sabuuji tigi addata yo paykoy koy salto ɓe ronka ɗoftaade mawɓe maɓɓe ɓen.. nawliigu e saltagol ko piiji ɗiɗi takkondirɗi ɗi seedataa.. ka fuɗɗoode paykun kun wonay saltii kun tippude e sababuuji feƴƴuɗi ɗi yewtu ɗen fii mu’un ɗin.. si tawii ɗi ñawndaaka on tuma ɗi foolay mo o heɓa nawnaare nawliigu on tuma wata mawɓe makko ɓen yejjitu yewtugol mo konnguɗi giggol e mantugol mo teddina fii makko.



back 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 next