Hunorde



Fillaama e imaamu Saadigh (a s) (Accu paykun ma’a kun fija duuɓi jeeɗiɗi, o ne’ee duuɓi jeeɗiɗi, waɗɗinaa mo hoore ma’a duuɓi jeeɗiɗi si tawii o malaa ma (haray ko ɗun) si tawii o malaaka haray moƴƴere alaa e makko).

Fillaama e makko kadi (a s) : (Habbo paykun ma’a kun haa duuɓi jeego’o feƴƴa ɓaawo ɗun ne’iraa mo deftere nden duuɓi jeego’o, ɓannitaa mo takko ma’a duuɓi jeeɗiɗi, ne’iraa mo needi ma’a ndin si tawii o jaɓii o moƴƴii (awa) si wonaa ɗun terto mo).

Paykun kun e nder ndee tayre ɗoo foti ko suddiiɗo foti ko gorko hayay himo wa’i wa dimɗe fewndii ɗe tetteede, haray ko’o ministir mawɓe makko ɓen wano dimɗe ɗen wonirani remoowo on.

Annabi Muusaa torino jooma makko yo’o waɗan mo walloowo  e nder golle makko sattuɗe ɗen (Waj Al lii waziiran min ahlii) (waɗanan walloowo ka ɓeynguure an) ndaaru suuratu taahaa aaya 29.

Jooni non haray karhugol neene on e baaba on paykun kun  fewjoda e makko e nder oo saa’i ɗoo wano ɗun ariri ka nder fillayeeji ko ɗun firi ko wonnde ko’o diisondirteeɗo maɓɓe.. kono si tawii paykun e nder oo saa’i ɗoo foti ko gorko foti ko suddiiɗo si tawii o waawaali wonude wallondirtee ɗo diisondiree haray ɗun ko tinndini ko wonnde o jogitoraaka no’o haanaa jogitoreede non gila paykun yaagal makko, si tawii goɗɗo remii tootaali haray ella on ko’e gabbe ɗe o remi ɗen yiltotoo wonaa e leydi moƴƴu ndi remugol ndin, paykun kadi ko wano non ko ko waɗaa ka nder hakkille makko o fenñinta, e nder on saa’i ɗon ne’ugol ngol nafataa terto mo.

Salagol paykoy koy:

Salagol paykoy koy ko satteende nde neeniraaɓe ɓen wonndi e mu’un.. ɗun ko huunde sattay nde e maɓɓe kamɓe neeniraa ɓe ɓen fota .. neeniraawo on tuma bee himo faalaa yo taw paykun makko kun ɗoftoto mo.. ko ɗun waɗi si taway neeniraajo on ŋalɗay si tawii paykun kun salike ko’o faalaa kon.. hara o anndaa ko honɗun o waɗata tuma paykun kun salanii mo.

Wonnde kala salagol ngol wonaa tagudi ndi paykun kun tagidetee e mu’un wano yoga e neeniraaɓe sikkirta, ko woni tun ɗun ko jilɓannde wonu nde ka nder wonkii paykun kun battane huuwondiral bonu ngal ngal o huwwondiraa ka jamaanu arunu e nder ngurndan makko.. si tawii paykun heɓii duuɓi ɗiɗi e nder ngurndan makko wakkilaare makko tagudi yankeere nde o faalaa waɗande yila e mu’un fii moƴƴinngol janngo makko on feeñay.. kala faljere maa selugol laawol moƴƴol ngol adday yo paykun kun salto.. Salagol paykun kun hino tinndini e huunde hulɓinii nde tinndiya nde mawɓe makko ɓen waylugol njikku maɓɓe on.. ko fii ɗun waɗi si tawii arii e nder hadiise tedduɗo (Yo Allaahu on yurme on walluɗo ɓiɗɗo makko on e peewal makko ngal) (Ndaaru deftere wi’etee nde iddatu Daa’ii hello: 61.

Fii yo mawɓe paykoy koy woɗɗito saltagol fayɓe maɓɓe ɓen.. ko bee joopo ɗen ko honɗun woni laawol sellugol ngol fii faamondirgol e paykoy koy e nder tayre ngurndan maɓɓe aranan ɗan.. ɗun kono woni e ardirde ɗoo nii:

1-Waɗanngol paykun kun ko kun faalaa kon:



back 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 next