Hunorde



Hara asku mu’un on si tawii en ndaarii en taway ko ɓuri heewude e waɗay ɓe bonki ɓen ko ɓen ɓe maraano needi moƴƴiri ka paykun yaagal maɓɓe e konngol ngoo ko ɓen woni ne’aaɓe e weeyo majjere huɓi ndii nde ɓe, si tawii en yurnitike taariika kan paykun yaagal ɓen bomɓe en taway hari ko yoora ɓerndeeɓe gila paykun yaagal maɓɓe sabu bonnde huuwondiral hakkunde maɓɓe e aduna on.

Arii e nder hadiise tedduɗo:

(Ɓernde keccun hino wa’i wa leydi ndi hay e huunde alaa e mu’un, kala huunde bugaa e nder mayri ndi jaɓay) ndaaru deftere wi’etee nde Wasaa’il dammbugal cappanɗe jeetati e nayi (84).

Hediise on hino yewta en wonnde tagudi paykun kun hino wa’i wa leydi ndi hay e huunde alaa e hoore mu’un taway ndi ko tuma goɗɗun remaa e hoore mayri woo si ndi fuɗa, ko wano non kadi hakkille paykun kala ko yumma makko e baaba en makko waɗi ka hakkille makko e laawol janngugol e ne’ugol ko ɗun wonata ka nder hakkille makko.

Hadiise ɗiɗaɓo on hino tinndini e yaccagol waɗugol ko moƴƴi ka nder hakkille paykun kun ko adii jamaa on adaade ɓe waɗugol keeferaaku maa faamuuji bonɗi ka nder hakkille paykun kun

Semmbingol njikku ngun:

Annden wonnde needi paykun ko huunde battinay nde e nder njikku neɗɗanke wonaa non bee battina.. ko ɗun firi ko wonnde neɗɗanke hino waawi selude needi makko ndin e miijo makko ngon si tawii o hawrii e needi bonndi ka paykun yaagal makko..  si tawii o hellifaama himo waawi ɓorude ɗaɗi ɗi yumma makko e baaba en makko tuti ɗin ka nder wonkii makko fewndo ko o woni paykun.. himo waawi kadi ittude njikku bonɗo mo.

Arii e hadiise fillaaɗo e imaamu Jaafar Saadigh (a s) (anndee wonnde heɗɗere gomɗinɗo hino waawi wonude e keeci misrikiijo hara hay e huunde waɗaali nde, hay si tawii nde wonii e nder rennga debbo sirkanayɗo Allaahu on hay e huunde waɗataa nde haa o hellifee.

Ko honno wonndirten e fayɓe ɓen?

Ne’oowo needi lislaamu ndin hino waɗɗina neene e baaba nooneeji ne’ugol ngol ɗun ko e nder taƴe tati woni e arde e nder ngurndan paykoy koy... neeniraaɓe ɓen e baabiraaɓe ɓen hino haani waɗannde ɗun paykoy koy e nder taƴe ɗen tati non, ka raɓɓinɗinngol ko kannje nii:



back 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 next