Hunorde

Ko addata yo mawɓe paykoy koy gollitir lette sattuɗe tuma fayɓe maɓɓe ɓen falji ka feere yimɓe hirnaange ɓen kono woni e arirde nii:

1- Sabu tawde mawɓe maɓɓe ɓen tigi lettano sifa ɗen lette ɗe ɓe woni lettude fayɓe ɓen ko ɓe woni paykoy, ɗun wona ko ittere monee ɓiƴaynde neɗɗanke tuma tawi hari o waawataa yottaade ko’o wonaa waɗeede kon fewndo o woni paykun.

2- Battane monee wonuɗo ka nder ɓernde lettoowo on sabu konngol bonngol ngol o yewtaa maa jiɓiliɓi mo’o waawataa jittude ɗun o yilta ɗun e hoore paykoy koy.

3- So’ugol mawɓe ɓen wonnde ɓe waawataa wurtude faljere fayɓe maɓɓe ɓen maa woɓɓe go’o sabu lo’ere maɓɓe e ronkugol hoolagol hoore maɓɓe, ko ɗun addata yo ɓe lettu fawɓe maɓɓe ɓen lette muusuɗe fii suuɗugol lo’ere maɓɓe nden ɓe gollitira doole.

3- Naafigingaaku : 

        E battane ko andugol faamuuji Quraana on telemma fii (Iimaanu on ) e (Keeferaaku ngun) , hewtii ka ɗaɓɓitee fii (Naafingaaku ngun) , e ko honno o’humondiri e fii ɗen geɓe ɗiɗi yawtuɗe , ɗo’o kadi ko sifa no yawtiri e ko feƴƴunookon , ko mee si’en ɗaɓɓutu daƴƴere munden ka ɗengal (Aarabu) e firu mun on fow , e ko honno ariri ka Quraana e sifaaji Yimɓe (Naafigiiɓe ɓen) ka nder Aayeeje Al-Quraana on , anden fow emun .

Ko honɗun woni Naafigaaku ?

    Wano Quraana on wi’irinon , Naafigaaku no wi’ee on -Neɗɗo- nodditiiɗo (Iimaanu) -Gomɗinal- ka kene ɗon , hara kanko tigi himo watti hoore makko e ɓen gomɗimɓe , kono hara ka nder makko ko ( Keeferaaku) o’suuɗi ton , o’fiɓaa fii Alla on –o’jaɓaa o’hoolaaki- e fii diina kan . wano wi’iraa ka ɗengal –Aarabu- non : ( Naafigaaku ka nder diina , ko on waɗuɗo goole suuɗayɗe keeferaaku makko ngun ka nder ɓernde , o’feññinira ɗengal makko ngal Iimaanu on . )

    Konko feeñi ka nder taariika Lislaamu on, yatitiri e’no hawnori , e nder lamaanu Sayyidinaa Aliyya (A.S.M) woonduno woɓɓegooɗe joginooɓe ɗin sifaaji , ɓe dartino laamu Sayyidinaa Alii ngun , kanko –Sayyidinaa Alii- himo ɓangini moƴƴa fii ɓen Naafigiiɓe , himo maaka ɗoo :

  (ما أسلموا ولكن استسلموا وأسروا الكفر فلما وجدوا أعوانا عليه أظهروه) -Naafigiiɓe ɓen- jebbilanaaki – Allahu on-ɓe wonaali julɓe,  koɓe jebbinkiniiɓe , ɓe suuɗi Keefaraaku ngun , kono ndeɓe heɓunoo wallooɓe ɓe e keeferaaku ngun ɓe yaltintini keeferaakungun .

Enee hara ɗunɗoo koko jeyaa e Naafigaaku ngun ? ! ɗaɗi Naafingaaku hino luggi ɓurinii .