Hunorde



Si tawii lettugol ngol ko fii ne’ugol .. haray yo mawɓe ɓen hoolo wonnde hulɓinngol ngol lo’inay batte ne’ugol ngol.. ko honno ɗun woniri

 Ɓaawu hulɓingol ngol tun hara piyaali.. wano si tawii neene on hulɓinirii paykun kun piyugol mo maa haɗugol mo huunde nde’o yiɗi.. o waɗii ko’o wi’i kon.. battane bonɗe ɗen naatay e nder lette lorray ɗe ɗen ɗen maruɗe batte bonɗo ittii non sikke e ne’irgol ɗun.. si tawii neeniraawo on waɗaali ko hulɓiniri mo kon haray ko faljere hulɓinii nde ɓaawo ɗun lo’inay darnde makko nden yeeso paykun kun.

Ko gila ɗoo anndeten hulɓingol ngol foti siinaama foti siinaaka aldaa e nafa few ɗun hewtintaa mawɓe makko ɓen e ko ɓe faaliraa ne’ude paykun kun..

Goɗɗo hino waawi lanndaade:

Ko fii honɗun waɗi si tawii needi lislaamu ndin hino ghirrii hulɓingol ngol? Wano ariri ka nder aaya tedduɗo laɓɓinaaɗo: (Fawaylun lilmusalliina allaziina hum an salaatihim saahuuna) (lette sattuɗe woodanii ɓen tayawɓe ko welsindii ɓe ka nder julde mu’un) suuratu Maa’uuna aaya 5 ɓo.

Ko woni jaabawol makko ngol ko wonnde lette Allaahu ɗen hino seedi e lette ɗe neene e baaba lettata paykun ɗen sabu lette Allaahu ɗen ko battane tagudi golle jiyaaɗo on.. wano tootugol bulle wonannde on remuɗo geeƴi mu’un.. maa luppugol jannganaakuujo naatuɗo e fijindaaru e nder jamaanu ndartannde nden.. ɗun hino seedi e lette ne’ooɓe ɓen sabu tawde ɗun ko weeɓitotoo ɗun e neɗɗanke.. sifa biyugol baabiraawo paykun makko kun sabu anngal hitinngol mo e jannde makko nden, maa raɗagol remoowo e nder gesa sabu anngal remugol mo geeƴi rimayɗi.. awa haray lette Allaahu ɗen ko battane tagudi golle neɗɗanke ɗen.. lette neene e baaba ɗen ko battane mo wonaa tagudi fii golle paykoy koy.. ko gila ɗoo hulɓinngol ngol Alghur’aana tedduɗo on gollitiri on hino seedi few e hulɓinngol ngol ne’ooɓe ɓen gollitirta ngol.. wonaa gootun few nde wi’ataa janngoowo e piyude misal:

Si tawii a janngaali haray a gaynaali, haray ko hayrugol woni geɓal ma’a.

Maa si tawii a janngaali haray bone heɓii ma, haray piyeede hino sabbimaa.

Noonee arano on hulɓingol gol ngol nafay fii ne’ugol, ɓaawo haray lette lorray ɗe alaa ɓaawo hulɓingol ngol e banŋe goo.. e sabu tawde hulɓingol ngol waɗay paykun kun waɗana yila hara o lorraaka e faljere makko nden.

Si tawii non ko noonee ɗiɗaɓo on e hulɓingol ngol ɗun ɗon nafataa ɓaawo ɗun battintaa e makko ko woni ella on e ɗun ko sababuuji ɗi yewtuno ɗen ka yewtere fii hulɓinngol.. ko gila ɗoo laawol ngol alghur’aana tedduɗo on rewi fii hulɓinngol jiyaaɗo on ngol ko nafay ngol marungol dimɗe battinay ngol.



back 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 next