Hunorde



Menen men innaali yo mawɓe fayɓe ɓen accitirɓe nii.. kono yoɓe suɓo piyugol nafay ngol accinay ngol paykun kun waɗugol ko haɗaa kon..si tawii en ndaarii en taway lettugol paykoy koy e nder jamaa me’en o wano:

Ko lettugol ɓanndu makko ndun, wano piyugol paykun kun maa haɓɓugol kun ka nder suudu maa sunnugol ɓanndu makko ndun e ko wonaa ɗun immorde e lette ɓanndu.

Lettugol wonkii makko kin, wano yennugol mo wi’a men yiɗaama maa taƴagol mo dummune juutuɗe e ko nanndi e mu’un immorde e laawi lorray ɗi.

Ɗii piiji lettirɗi ɗoo fow foti ko lette ɓanndu maa ko lette wonkii ka feere needi lislaamu ko faljere ɓaawo nelaaɗo Allaahu on (s a w) hino maaki: (Accitu ɓiɗɗo ma’a on o fija duuɓi jeeɗiɗi, o ne’ee duuɓi jeeɗiɗi, woɗɗinaa mo hoore ma’a duuɓi jeeɗiɗi).

En waaway faamude e nder hadiise on wonnde duuɓi jeeɗiɗi arani paykun kun ko innde fijugol mari, ko ɗun firi ko jannugol mo fewna mo hara doolaali mo munñoo golle makko ɗen.. lettugol mo ngol ko firi ko wonnde golle makko ɗen munñaaka, watten ɗon wonnde lettugol ngol ko junuubi mo insinanagol Allaahu tun nafataa fii montaneede mo, ko woni tun ittugol diya hino hatonnjini, ittugol diya ko yoɓugol jawdi taway ndi emmbere mu’un nden ko batte lette manndu maa wonkii ɗen toɗɗotoo ndi.. si tawii diya on ittaaka Allaahu on yaafotaako si wonaa hara ko piyaaɗo on munñii.

Haɗugol waɗugol lette lettayɗe ɓanndu ndun e wonkii kin tinndinaa accitirgol paykoy koy nii hara waɗaali hay e huunde.. needi lislaamu ndin hino yamiri en ñawndirgol faljere nden hakkil hara paykun kun lorraaka.. ɗun ko laawol ɓurungol moƴƴude e laawi ñawndirɗi ɗin hara ɗun battinaali e wonkii paykun kun..

Arii e nder hadiise wonnde gooto e wonndiɓɓe imaamu on lanndino mo ko’o wi’uɗo: (Mi wullitinoke e (imaam) Abuu Hasan Muusaa (a s) paykun an, o maaki: Wata a piyu mo.. taƴo mo.. hara a juutinaali).

Needi lislaamu ndin no tawiri ndi haɗay piyugol ko tawata accay batte bonɗo e ɓanndu ndun.. ko wano non kadi haɗirta lorrugol wonkii kin (hara a juutinaali) ko ɗun firi ko wata a juutin taƴagol mo ngol.. ko yo’a taƴo mo emmbere bonnere makko nden.

E nder ndee tayre ngurndan paykun kun ko ɓannginangol mo bonnere makko nden ɓuri himmude, kono baabiraaɓe go’o lettay fayɓe mu’un ɓen hara ɓe anndaa ko honɗun ɓe bonni maa neeniraawo on yi’a paykun kun hino waɗude huunde ɓe ronka mo haɗude ɓaawo ɗun ɓe piyira mo sabu nden huunde ɗon tigi.. sifa oo alhaali ɗoo jiiɓay paykun kun fota o waawataa senndindirde ko moƴƴi kon e ko boni kon.. tuma paykun ari tawi yumma makko himo wulla sabu ko fijirkun makko kun boni kon e juuɗe makko maa e juuɗe goreeɓe makko ɓen.. wullugol makko ngol ko seedee wonnde himo anndi faljere nden.. sellaa ka yumma makko piya mo sabu ɗun hino waɗɗii yumma makko tawtugol mo walla mo sunaade ko fijirkun makko kun boni kon.

Hulɓingol ngol:



back 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 next