Hunorde



Ɗiɗaɓun e mu’un pilliti bonnayɗi ɗin: battane ghissaaji bonnayɗi ɗin:

Pilliti ɗi paykun kun fillantee ɗin ka nder arannde ngurndan makko (ka nder duuɓi jeeɗiɗi arani) hino mari himme fota, pilliti tuma paykun heɗotoo ɗi hiɗi wa’i wa puɗiri fuufetee ndi e nder leydi moƴƴu ndi fii yo ɗi rimu ɓaawo ɗun.. neene makko e baaba en makko hino haani anndude ko honɗun woni fonndo maɓɓe e fillanagol mo pilliti ɗin ko adii ɓe fillanaade mo ɗi.. on tigi hino haani rentaade e pillitti waɗayɗi batte bonɗo ka nder hakkille paykun kun...

Tataɓun e mu’un: Karhugol ɓe e waɗugol ko moƴƴi

Baabiraaɓe maa neeniraaɓe buy karhay fayɓe maɓɓe tosokoy koy waɗugol ko moƴƴi.. Si tawii paykun hino jogii huntere bireedi maa himo jogii piihun fijirkun kun o yiɗi.. no neene makko yahiri ka gooreejo mu’un jogiiɗo paykun maa hara ko goreejo makko on ari hiwragol mo o karhay paykun makko kun yo taƴan mo bireedi on maa luɓa mo fijirkun makko kun.. paykun kun saloo seytina neene makko hulɓina mo haa o hula ko neene makko monii kon o okkora mo bireedi on maa o luɓa mo fijirkun makko kun.. karhugol paykoy koy e waɗugol ko moƴƴi waɗintaaɓe waɗooɓe ko moƴƴi wano ko heewi e mawɓe fayɓe sikkirta.. ko woni goonga kan ɗun adday yo paykun kun añu yimɓe ɓen haasooɓe..

Piyugol ngol e hulɓinngol ngol

Ɓeynguureeji ɗin hino seedi piyugol paykoy koy.. ɓeynguure kala ko laawol mu’un ngol ɓurani ɗun ka ne’ugol.. kono enen en yewtay ɗoo alhaaliiji tati ɗi tawata mawɓe ɓen hino waawi piyude paykoy koy, ko woni ɗin ko:

1- Bonere needi: tuma paykun kun yewti konnguɗi bonɗi maa tuma o waɗi waasere needi e hoore goɗɗo, ɗoo mawɓe makko ɓen heɓataa laawol goo si wonaa piyugol ko ɓe añuɓe bonere needi nden.

2- Waɗugol golle ɓoyliiɗe: Ɗun ɗoo kadi ko alhaali mo mawɓe ɓen piyata paykoy koy e mu’un, e piyude misal tuma tawi paykun kun hino wowli fota maa hara o haajaaka e ko conci makko ɗin tuunata e wattangol yila e haajuuji makko ɗin..

3- Saltagol, hara ɗoftaaki mawɓe mu’un ɓen ɗun adday yo mawɓe ɓen piyu paykoy koy.

Baabiraaɓe ɓen tentinii ɓen piyay ɓe feƴƴintina.. ɓe annda wonnde ko addi yo paykun kun salto maa yo’o waɗu bonere needi maa ko nanndi e ɗun ko battane needi bonu ndi ndi ɓe ne’i mo ndin... si tawii ɗun ko non woniri haray ko honɗun woni ko paykun bonni?



back 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 next