Hunorde



5-Haɓugol paykoy koy:

Si tawii ɓe haɓii.. haray hawre nden hino haanaa ñawndireede nii:

Hino haanani neene on e baaba on hara ɓe ukkaaki hakkunde ko paykoy maɓɓe koy haɓata kon.. fannii ukkagol hakkunde maɓɓe ngol aldaa e nafa tanƴinaaɗo sabu nawliigu taway ngu ko ngun addata haɓugol siɓɓe ɓen kon ko tawata hino hatonnjini e ñawndeede wano yewtirno ɗen non.. ɗun ɗoo fow ko si tawii haɓugol maɓɓe ngol addaali masiibo wano helugol junngo goɗɗo e maɓɓe.. maa hara gooto e maɓɓe hino foofi si tawii o piyaama o waawataa yottaade.. ko ɓuri moƴƴude e nder on saa’i ɗon ko taƴugol hawre nden.. hay si tawii non si neene on e baaba on ukkaaki hakkunde maɓɓe hawre nden taƴay heña, kono anngal munñagol mawɓe ɓen ko ɗun naadata ɓe ukkagol hakkunde maɓɓe, ɗoo haray wonaa yoɓe heɗo hay e gooto e maɓɓe.. maa dartodugol e tooñaaɗo on maa yurmee mo.. sabu heɗagol ɓe adda feere yurmee gooto e maɓɓe ɗun ɓeyday nawliigu adday ngu yoɓe haɓu ngun.. wano tawiri hino haanani mawɓe ɓen nde ɓe karhataa paykun weddii kun e fijugol yo’o fijidu e siɓɓe makko ɓen maa siɓɓe makko ɓen kafa fijirgol e makko fijirkoy makko koy.. karhugol mo ngol adday hawre hakkunde maɓɓe kadi.

Needi moƴƴiri paykun kun:

Neeniraawo fow hino yelii nde tawata paykun makko kun hino mari needi moƴƴiri hakkunde makko e ɓeynguure nden e kawtal ngal e ɓadondiraaɓe ɓen.. si tawii paykun makko kun waɗii waasere needi o hersay.. wattude e tawde paykun waasu kun needi haray yimɓe ɓen fow hino añi kun huunde ko tawata adday malkiseede paykun kun.. ko ɗun waɗi si tawii bee fayɓe me’en ɓen heɓa needi moƴƴiri.. si tawii non ko honno needi moƴƴiri heɓorta?

Needi moƴƴiri ka nder tayre ngurndan aranan paykun kun ko huunde artaynde e tagudi makko ndin, wano tawiri hino jeyaa e tagudi nde o yahirta koyɗe makko ɗen hara wonaa juuɗe makko ɗen, kono hiɗen hatonjinani mo piiji ɗiɗi:

Aranun e mu’un: jannugol mo fewna mo:

 Paykun e nder tayre aranere ngurndan makko ɗan himo hatonjini e janneede neediiji ɗi’o haani waɗude hakkunde makko e yimɓe ɓen paykun e mawɗo.. ko si tawii o jannaama e nder ndee tayre ɗoo njikku makko moƴƴu ngu ngun immoo ka nder tayre ɗiɗaɓere ko fii ɗun waɗi arii e nder hadiise selluɗo fillaaɗo e imaamu Jaafaru Saadigh (a s): (Accu ɓiɗɗo ma’a on fija duuɓi jeeɗiɗi o ne’ee duuɓi jeeɗiɗi).

Baabiraaɓe go’o hino waawi welsindaade laruura jannugol paykoy koy ka nder tayre aranere ngurndan maɓɓe (e nder duuɓi jeeɗiɗi arani ɗin) e innde hiɓe mari golleeji ɓuruɗi himmude fii ɗaɓɓugol aduna maɓɓe e laakhira maɓɓe.. on saa’i ne’oowo lislaamu on addanay ɓe waaju wi’aɓe:

Fillaama e nelaaɗo Allaahu on (s a w) wonnde ɓe maakii: (Nde goɗɗo e mo’on ne’ata geɗal mu’un ɓuri moƴƴude nde’o ittata sadaka ñannde bee feccere saa’uure) ndaaru deftere wi’etee nde Bihaarul Anwaari suutannde 101 dammbugal ɓure fii fayɓe ɓen.



back 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 next