Aayatullaahil uzmaa Seyyid Alii Husaynii Sistaanii



Aayatullaahil Uzmaa Seyyid Alii Husaynii Sistaanii
(yo Allaahu duumin ɗowdi makko ndin)

sistani

 

hunorde

Ganngunal imaamu Khuu’ii ngal e nder feccere giral rimuno dimɗe njanɗuɗe tiiɗuɗe, ko ɗun ɗon woni ka anndaa e ko ɓuri moƴƴude dokkal heɓii ngal ka nder miijo lislaamu e nder nguu ɗoo jamaanu e nder gannde nden fow e fiyakuuji lislamu yankeeji himmuɗi ɗin, ɓaawo teemeɗɗe fighihi yankooɓe yaltii ka nder duɗal makko ɓaawo ɓe fawtino jokkindirgol laawol makko miijo yankewol ngol, ngol laawol heewungol tew dokkal e kurkanagol diina lislaamu kan e ganndal ngal e jamaa on, ko ɓuri heewude e ɓen hannde ko jannooɓe ka nder duɗe tentinii Najaf e Ghum hino heewi e maɓɓe hattanɓe e maruɓe ganndal fii ne’ugol e jannugol maa halfineede fii marji’iyya e ɗowugol ngol, e aynugol mofte ɗen e nder nguu jamaanu me’en fewndii ngu.

Hino jeyaa e ko ɓuri himmude e ko ɓuri lollude ɓen jooma gandeeɓe ko oo karamokoojo wi’etee ɗo Ustaaz Aayatullaahi Sistaanii (yo Allaahu on junnu ɗowdi makko ndin) himo jeyaa e ɓuruɓe lollude e jannganaakuuɓe imaamu Khuu’ii ɓen –yo Allaahu on yaafo mo- en raɓɓinɗinto e yewtere me’en nden e fii ndee hoodere mawnde ɗoo e nder ɗee toɓɓe ɗoo:

Dañeede makko:

Ko ñannde 11 sabbordu suumayee hitaande 1350 fergu o dañaa e nder leydi Mashad Radawii Assariif e nder ɓeynguure diininii nde ɗoftii nde diina kan, o janngii ka duɗal fuɗɗorgal e ka duɗe toowuɗe, o ɓeyditi ɗon janngugol gannde filosofii e juuɗe heewuɓe anndiraaɓe ɗen gannde e jannooɓe ɗe wawɓe.

O janngi Bahsul Khaarij e nder leydi wi’etee ndi Mashad Mughaddas o nafitori miijo Allaama Al Muhagghigh Mahdii Aasifii, ɓaawo ɗun o iwi ɗon o yahi ka Hawza Ghum e jamaanu oo marji’aajo mawɗo wi’etenooɗo Seyydi Husayni Borojerdii e nder hitaande 1368 fergu o janngi e juuɗe hooreeɓe duɗal ngal on saa’i, e piyude misal o janngi fighiha Khaarij e juuɗe seyyid Brojerdii, o ƴetti e makko piiji buy ka fighiha e pehe makko ka ganndal hadiise e worɓe mu’un, wano tawiri o jannguno ka Seyyid Kuuh kamarii e ko wonaa ɓee ɗoo immorde e anndiranoo ɓe ganndal on saa’i.



1 2 3 4 5 next