Imaamu Mahdii (a s).



Janndeeji suutaaɗi fii imaamu Mahdii (a)

REWRO NGON:

Dañeede makko nden (a s).

Ñannde sappo e jowi sabbordu suumayee hitaande 255 fergu imaamu Mahdii dañaa (yo Allaahu on yaccin feeñugol mo, ñeeñal Allaahu on sifori suuɗugol dañeede boobo on e ndarɗe yimɓe ɓen wano ɗun sifornoo suuɗugol dañeede annabi Muusaa fii yo’o daɗu lorra lamɓe tooñooɓe ɓen wano tawi ñeeñal Allaahu on siforii wirnugol mo e gite yimɓe ɓen si wonaa yimɓe laaɓuɓe ɓen e sii’aaɓe makko ɓen, o waɗi lontiiɓe mo nay (Sufaraa’) dummune duuɓi cappanɗe jeeɗiɗi – maa duuɓi cappanɗe nay- fii humindirgol mo e mofte ɗen fii weƴƴitugol wirnagol mawngol ngol anndaaka emmbere mu’un haa on annoora Allaahu artana en fii yo’o hebbin leydi ndin nunɗal e peewal ɓaawo nde ndi hebbinanoo tooñe e bonki ko ɗun woni ñeeñal Allaahu on e nder jiyaaɓe makko ɓen.

Annden wonnde julɓe ɓen fow hino fottani fii feeñugol imaamu Mahdii ka waghtannde aduna ko jeyaaɗo e geyngol Faatima (a s) innde makko nden ko inndi annabiijo on fillayeeji ɗin hino heewi tew sunna e sii’a, si wonaa tun ko ɓe luutondiri ko taw si o dañaama kaa ko saataaɗo dañeede, sii’aaɓe ɓen e woɓɓe e sunnaaɓe ɓen yaari wonnde o dañaama e wonnde ko kanko woni Muhamad Bun Hasan Askarii, ko ɓuri heewude e yimɓe sunna ɓen hino yaari wonnde o dañaaka taho, ko’o saataaɗo dañeede kono ko konngol aranol ngol woni goonga.

Imaamu Mahdii hakkunde Sunna e Sii’a

julɓe ɓen hino fotti wonnde imaamu Mahdii feeñay ka waghtannde aduna fii ittugol majjere e tooñe e bonki, e saakugol nunɗal e goonga, e fenñinngol sdiina kan fow hay si tawii sirkuɓe ɓen faalaaka , o dannday aduna on jaasere rewugol ko wonaa Allaahu on e duŋayee Allaahu on, o itta neediiji e aadaaji bonɗi ɗin, o bonnitay sari’aaji keefeeeri ɗi mbeleeɗe ɗen waɗi ɗin, o itta leƴƴi leƴƴi ko woni hakkunde yimɓe ɓen kon, o itta sabu ngayngu wonu ngu sabu lurrugol mofte ɗen e seedugol konngol, Allaahu on waɗiray ko’o fodi julɓe ɓen kon feeñugol mo ɗun ko konngol Allaahu seniiɗo on.

(Allaahu on fodii ɓen gomɗimɓe e mo’on golli golleeji moƴƴi wonnde o lontinayɓe ka hoore leydi ɗoo wano o lontini ɓen adiiɓe ɓen o newinayɓe diina maɓɓe ka’o faalanaa ɓe kan, o wattitanay ɓe ɓaawo kulol maɓɓe ngol hoolaare hiɓe rewammi ɓe sirkantaa lan hay e huunde, kala yedduɗo ɓaawo ɗun haray ko ɓen woni yimɓe yaltuɓe e ɗoftaare ɓen.

(Meɗen faalaa waɗannde ɓen yimɓe lo’uɓe ka hoore leydi men waɗaɓe hooreeɓe men waɗaɓe ronooɓe).

(Men winndiino ka nder deftere Jabuuri ɓaawo waaju ngun wonnde leydi ndin ko jiyaaɓe an moƴƴuɓe ɓen ronata ndi.



1 2 3 4 5 6 7 next