Imaamu Alii geɗal Muahammadu Al Haadii (a s)



Suutanɗe yewtereeji fii imaamu Haadii (a s)

REWRO NGON:

Dañeede makko (a s):

Imaamuujo sappaɓo on ka imaamuuɓe Ahlul Bayti (a s) ko kanko woni imaamu AL haadii(a s) ko ñannde sappo e jowi donkin hitaande 214 fergu o dañaa (arii e nder fillayee goo wonnde ko ñannde sappo e ɗiɗi raajibi o dañaa).

Laawol makko ngol ka firugol Alghur’aana

Gorko annasaa rankeejo aruno ka Mutawakkil tawi ko fii himo yani e sonaajo julɗo, o faalaa ñinnude sari’a on e hoore makko tun o silmi, Yahyaa Bun Aksam (ñaawoowo lanɗo on) wi’i: Lislaamu on montayay mo ko feƴƴi kon, woɓɓe e maɓɓe wi’i: Sari’a on ñinnete e hoore makko laabi tati, Mutawakkil winndani imaamu Al Haadii himo lanndoo mo, ɓaawo o janngii kaydi ndin o winndi: (O piyete haa o maaya) fighihi yankooɓe ɓen jaɓaali ɗun, on tuma o winndani imamaamu on ko hino lanndoo ko honɗun woni seedee on e ɗun, imaamu on winndani mo:

Bismillaahi Rahmaani Rahiim

(Ɓaawo ɓe yi’ii lette amen ɗen ɓe wi’i: Men gomɗii Allaahu on tun, men yeddii huunde ko men wonunoo e sirkude kon, ngul liimaamu maɓɓe wonaano hino nafa ɓaawo ɓe yi’ii lette amen ɗen ɗun ko sunna Allaahu rewuɗo e jiyaaɓe makko, ko ɗon yedduɓe ɓen hayri).

Almamaaku makko ngun:

Mufiid hino wi’i: Ko wonunoo imaamu on ɓaawo Abii Jaafar (a s) ko geɗal makko ngal Abal Hasan Alii Bun Muhammad, sabu tawde hari geɓe almamaaku ngun fow hino mooɓii e makko, e timmugol ɓural makko ngal e tawde hari ronoowo baaba en makko alaa si wonaa kanko, e tawde hadiise hino woodi fii tabitugol almamaaku makko ngun e wonnde kadi hari baaba en makko joopike mo fii lontal ngal.



1 2 3 4 next