Imaamu Muhammadu gaɗal Alii Jawwaad (a s)



Yewtereeji suutaaɗi fii imaam Jawwaad (a s)

REWRO NGON:

Dañeede makko nden (a s):

Hari imaamu Ridaa (a s) baaba en imaamu Jawwaad heɓii duuɓi ɓurudi cappanɗe nay ɓe heɓaali ɓiɗɗo, hari ɗun ko huunde hulɓinnde sii’aaɓe ɓen, ɓaawo hiɓe fiɓi wonnde imaamuujo njeenayaɓo on ko geɗal imaamuujo jeetataɓo on saatii wonude, ko fii ɗun waɗi hari hiɓe habbii nde Allaahu on arsikata imaamu jeetataɓo on imaamu Ridaa (a s) ɓiɗɗo hari hay hiɓe yahaynoo ka imaamu ɗaɓɓira mo yo’o toro Allaahu on yo’o arsiku mo geɗal, o itta ɓe e annde o wi’i: (Allaahu on hino saatii arsikude lan boobo gorko ko kanko wonata ronoowo on e imaamu on ɓaawo an).

Ɓaawo ɗun imaamu jaawwaad dañaa sappo raajibi hitaande 195 fergu, boobo on wi’aa Muhammadu jammoore makko nden Abuu Jaafar.

Sii’aaɓe ɓen weltii fota, liimanaaku ngun ɓurti ɓeydaade e maɓɓe, ɗun itti sikke wonunooɗo e nder ɓerɗe yoga e maɓɓe.

Pooɗondiral waɗunoo ngal hakkunde makko e Ibnu Aksam ngal  

Ɓaawo Ma’amuun faalaama resinnde jiwo makko on imaamu Jawwaad (a s) ɗun hewti Abbaasi yankooɓe ɓen ɓe jaɓanaali ɗun lanɗo on ɓe wi’i: Ko an yo Amiral Muuminiina! Ennee a resinay jiwo ma’a on paykun kun janngaali hay huunde e fii diina makkun taho? Si tawii hiɗa yiɗi mo habbo haa o ne’oo, o jannga Alghur’aana, o annda ko dagii e ko harmi, Ma’amuun wi’i: Bone heɓii on, miɗo ɓuri on anndude oo suka himo ɓuri on janngude himo ɓuri on anndude Allaahu e nelaaɗo makko on e sonna makko on, si tawii hiɗon faalaa ndarndee mo, ɓe jaɓi ndarndagol mo ngol, ɓe fottani e Ma’amuun wonnde yo ñaawoowo ñaawooɓe ɓen yo aru lanndoo mo, ɓe fottani e ñalaande anndaa nde, Ibnu Aksam ari wi’i imaamu Jawwaad (a s) yeeso Ma’amuun, ko an yo Abaa Jaafar ! yo Allaahu on moƴƴin fii ma’a, ko honɗun wi’uɗaa e horminɗo fii hajju wari mummunte? Imaamu Jawwaad lanndii mo: enee o waru mo .. , horminɗo on ko annduɗo kaa ko majjuɗo? o tewi kaa ko’e hoore faljere? horminɗo on ko dimo kaa ko kaaɗo? Hari ko baykun kaa  ko mokobaa? Ko’e fuɗɗagol makko kaa o fillitoto woni ? ko’e colli ɗin kaa wonaa? Ko kullul tosokun kaa ko njanil? Ko’o fellitudo e ko’o waɗi kon kaa ko o ninsuɗo? Ko jemma o wariri kaa ko ñalorma? Fewndo o wari hari ko’o Umra o horminani kaa ko hajju ? Yahyaa Bun Aksam ŋalɗi, o deƴƴiti deƴƴere nde wirnaaki hay e gooto e tawaaɓe ɓen, ronkere feeñi ka yeeso makko, yimɓe ɓen ka nder tummbodiral fow anndi fiyaake makko on, yimɓe ɓen fow ŋalɗi jaabawol imaamu on, Ma’amuun wi’i yimɓe makko ɓen: Jooni on anndii ko wonuno ɗon e yeddude kon, o ndaari imaamu Jawwaad o wi’i mo: ko mi resinayɗo ma jiwo an on Ummul Fadl, o jaɓi ɗun ɓaawo ɗun dewgal ngal waɗi.

Ɓaawo dewgal ngal humaama Ma’amuun wi’i Abii Jaafar: Miɗo faalaa yo’a yewtu fii jaabawol ngol fensituɗaa ngol fii geece horminɗo wari goɗdun fii yo men anndu men nafitora. Imaamu Jawwaad maaki:

(si tawii horminɗo warii goɗɗun tawa ko jeyaa ɗun e colli ɗin hara ko sonndu njanɗu ndu haray ko dammol waɗɗii mo, si tawii ko ka nder haramu o wari mo haray ko njoddi sowaandi fawii mo



1 2 next