Imaamu Alii geɗal Muusaa Ridaa (a s)



SUUTANNDE YEWTEREEJI FII IMAAM RIDAA:

REWRO NGON:

Dañeede makko nden:

Imaamu Ridaa (a s) ko kanko woni imaamu jeetataɓo on e nder imaamuuɓe ka ɓeynguure suudu nelaaɗo Allaahu on (s a w) ko ka Madiina Munawwara o dañaa ñannde sappo e go’o donkin hitaande 148 fergu.

Ɓaawo baaba en makko ko kanko hikkinoo e almamaaku ngun sabu ɓural makko ngal e ganndal makko ngal e rentaare makko nden e hunnangol mo ngol, wattude hadiiseeji fillaaɗi e fii makko ɗin immorde e baaba en makko fii almagol makko ngol.

Imaamu on e lontotooɗo ɓaawo makko on:

lanɗo Abbaasi yankooɓe ɓen noddituno imaamu Alii Muusaa Ridaa (a s) o ɗaɓɓiri mo iwugol Madiina Munawwara yaha  e leydi wi’etee ndi Khurasaan (ka saare laamu) imaamu on nootii ko lanɗo on noddi mo kon wonnde kala himo anndi ko janfa.

Hari hino e nder miijo Ma’amuun wonnde ko woni yaltirgal ngal e nder henndu politiki wonunoo ngu wifude e on saa’i ɗon ko yewtugol imaamu on yo’o jaɓu lontagol laanɗo on e tawtugol e fii fewjugol e leydi ndin, fii yo Ma’amuun waawu hawtindirde jamaaji ɗi wonanaa mo ɗin o ɓurta heɓude doole – Abbaasi yankooɓe ɓen e Alawi yankooɓe ɓen.

Ma’amuun noddi imaamu on yewtiri mo fii jaɓugol lontagol  lanɗo on ɓaawo makko imaamu jaɓaali o yewti mo konnguɗi nannduɗi e hulɓinngol, ɓaawo ɗun o wi’i mo: Umaru waɗuno diisondirgol ngol hakkunde yimɓe njeego’o gooto e maɓɓe ko soro ma’a o wi’i kala lunndiiɗo yo daande makko taƴe, ko bee jaɓaa ɗun, imaamu on jaabii mo ko e sarti wonnde o yamirtaa o haɗataa o waɗataa goɗɗo e nokkuure o ittataa goɗɗo e nokkuure, o yewtataa hakkunde yimɓe ɗiɗo e nder ñaawoore o waylataa hay e huunde wonunoonde e nokku mu’un.

Kala lugginɗo miijo e henndu politiki wonunoo ndu wifude e on saa’i hino waawi faamude wonnde imaamu on hari hino anndi politiki mo Ma’amuunu jokkunoo on e wonnde hari kañun imaamu on hari hoolaaki ko’o woni yewtude kon, ko fii ɗun waɗi si tawii imaamu on waɗi sartiiji ɗi joopi ɗen fii mu’un ɗin.

Wattude e ɗun hari imaamu on hino anndi fiyakuuji yiltotooɗi e makko ɗin fillaama wonnde hari gooto e wonndiɓɓe imaamu on ɓuruɓe ɓattaade mo hari hino ka nder tummbondiral ngal Ma’amuunu waɗunoo ɓaawo imaamu on jaɓii lontagol ngol ɓaawo makko, ɓaawo imaamu on ndaaruno mo ko o weltirirɗo mo ko waɗi kon o munñii mo o wi’i mo: Ɓatto lan ɗoo, imaamu on sowndii mo {wata a waɗu ɓernde ma’a nden e ko yi’uɗaa ko’o wata a weltor anndu ko huunde nde laatotaako.

Ɓaawo imaamu on jaɓii lontagol ngol o firani hoore makko ngol on tuma Ma’amuun woni fenñinngol ɗun e nder tuɗɗere leydi ndin fow, o wattiti wattagol Abbaasi yankeeɓe ɓen conci ɓaleeji e conci haakooji ɗun ko tawnoo ko markere alawi yankeeɓe ɓen o fenñini wonnde himo faalaa waɗude juldeere fii ɗun.

Ko tippude e ɗun yewtooɓe ɓen e yuɓɓooɓe gimɗi ɓen adondiri jawle okkaa, ko ñannde jeego’o suumayee hitaande 201 fergu fenñingol bay’ondirgol ngol waɗunoo wano ɗun ariri e nder gooto e fillayeeji.



1 2 3 next